خالد صلاح

زوجة الشهيد عادل رجائى: جوزى بطل وراجل عظيم استشهد عشان اسم مصر يفضل مرفوع.. طلب الشهادة ونالها.. وكنت بشوفه كل يوم شهيد بقالى شهر ونص.. وآخر كلامه معايا أشهد أن لا إله إلا الله

السبت، 22 أكتوبر 2016 10:40 م
زوجة الشهيد عادل رجائى: جوزى بطل وراجل عظيم استشهد عشان اسم مصر يفضل مرفوع.. طلب الشهادة ونالها.. وكنت بشوفه كل يوم شهيد بقالى شهر ونص.. وآخر كلامه معايا أشهد أن لا إله إلا الله الشهيد عادل رجائى
كتب رامى المصرى

مشاركة

اضف تعليقاً واقرأ تعليقات القراء

"أنا جوزى بطل وراجل عظيم استشهد عشان اسم مصر يفضل مرفوع فى العالى" بتلك الكلمات بدأت سامية زين العابدين زوجة العميد عادل رجائى الذى تعرض لحادث اغتيال أثيم أمام منزله، صباح اليوم السبت، حديثها الموجه لأعداء مصر  قائلة: "أنا مش هسّمع صوتى للمصريين، أنا هسّمع صوتى لأعداء مصر، وقبل ما احكى واتكلم عن استشهاده قدام عنيا بقول لشعب مصر أنا جوزى بطل وراجل عظيم، دافع عن بلده حبيبته، دافع عن كل المصريين، جوزى الجيش كله يعرفه، بيحب شغله ومخلص، العيب ميطلعش منه".

 

وروت الزميلة سامية زوجة الشهيد تفاصيل آخر دقائق قبل اغتيال العميد عادل رجائى، قائلة: "صحيته صلى الفجر وخرج الساعة 6 وآخر كلمه قالها ليا قبل ما ينزل أشهد أن لا إله إلا الله.. وأنا رديت عليه بسيدنا محمد رسول الله، ثم خرج وبعد دقائق سمعت أصوات الطلقات النارية تدوى فى أرجاء الشارع، توقعت ما كنت أراه وأكدب نفسى منذ أكثر من شهر ونصف كنت بشوفه كل يوم شهيد.. وجدته ممد على وجهه غارقاً فى دمائه.. حتى أننا لم نلحق أن ننقله إلى المستشفى".

 

وبصوت به مزيج من الفرح والحزن وصفت مشهد غسله بأنه من داخل الجنة وكأن الشهيد تجسد بصورة الملاك النائم منتظراً إيقاظه فى الجنة.

 

وأضافت خلال مداخلة هاتفية مع الإعلامى أحمد موسى: "جوزى طلب الشهادة لما كنا فى العمرة عام 2004، وقالى "محدش دخل الجيش إلا لما كان طالب الشهادة"،

ووجهت حديثها لكل من الرئيس الأمريكى باراك أوباما واليهود بإسرائيل والإنجليز قائلة: "أوعوا تفتكرو إنكم هتنالوا مننا.. أنا جوزى استشهد هو وزمايله عشان رجالتنا متدبحش ويلعبو براسهم كورة، عشان الستات ميتاخدوش سبايا، عشان اسم مصر يفضل مرفوع فى العالى، والله مش هتنالوا مننا ولا من عزيمتنا لأنكم فى الضلال المبين".

 

وأضافت: "يا رب خد بثأرى يارب ومش مسامحة اللى عمل كده، القصاص يارب، أنت الحكم العدل، احفظ جيشنا يارب.. الله يكون فى عونك يا ريسنا يا عبد الفتاح يا سيسي يا حبيبى أنا عارفة قد إيه انت شايل حمل كبير بس أنت على حق، حافظوا على مصر واوعوا تسمحوا لأعدائنا ينالوا اللى عاوزينو ما فيش أحلى من تراب بلدنا، وبناشد البرلمان غيرو القانون الجنائى كفاية كدة حبارة مراتوا ولدت وهو فى السجن، الرئيس مكبل من خلال الدستور.. غيروا قانون الإعلام عشان تنصفوا البلد.. مفيش حاجة تسوى ترابك يا مصر".


مشاركة

اضف تعليقاً واقرأ تعليقات القراء

الموضوعات المتعلقة



التعليقات 5

عدد الردود 0

بواسطة:

مهندس / صلاح الصاوى

اللهم ارحمه و تقبله من الشهداء

إنشاء الله هو شهيدا من أجل مصر .أن شاء الله هو حى يرزق عند رب العالمين. اللهم ارحمه رحمه واسعه و وسع له فى قبره وتقبله عندك من الشهداء. اللهم بدله أهلا خير من أهله و دارا خير من داره. ولاتحسبن الذين قتلوا في سبيل الله امواتا بل أحياء عند ربهم يرزقون. انا لله وانا اليه راجعون

عدد الردود 0

بواسطة:

canis majoris

رحم الله شهيد الوطن...

يموتون ليلاً و نهاراً لأجل أن نعيش نحن...شوفوا يا مصريين جيشكم إزاي بيدفع التمن و ده أغلي تمن لأجل ما تعيشوا أمنيين. "مصر لن تركع إلا لله"...جمله قالها سيادة الرئيس حفظه الله. رحم الله كل شهدائنا.

عدد الردود 0

بواسطة:

مواطن يعانى فى الدنيا..

انا للة وانا الية راجعون..

فى الجنة مع الحور العين ..

عدد الردود 0

بواسطة:

khaled

اللهم اكتبه عندك في العليين مع النبيين والصديقين والشهداء والصالحين

اللهم اكتبه عندك في العليين مع النبيين والصديقين والشهداء والصالحين

عدد الردود 0

بواسطة:

لازم مصر تكشر عن انيابها

لاز تتنفذ احكام القضاء وفورا وبدون اعتبار لاحد..اعدموا الارهابيين

اللى يقف معانا صديق واللى يقف مع الارهابيين عدو لمصر والمصريين...مصر لازم تكون قوية والبرلمان لازم يقف بقوة ويدعم مصر

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة