وروت "نبيلة.س"، ربة منزل، فى تحقيقات النيابة النقيدة برقم 2134 لسنة 2016 جنايات الأميرية، تفاصيل الواقعة، حيث أكدت أنها لم تكن تتخيل يوما أن الحقد والكراهية التى تربت عليهما على يد زوجة أبيها سوف يدفعها إلى ما حدث لابنتها وابنة زوجها.
وقالت المتهمة: "أنا دوقت كل حاجة وحشة على إيد مرات أبويا من وأنا طفلة، كانت ديما تعاملنى معاملة سيئة جدا، وتضربنى على أقل غلطة ممكن تصدر منى، ووالدى كان لا يمكن يشك فيها لحظة أو يصدق إنها ممكن تأذينى، لحد ما كبرت وكبرت معايا العقد النفسية اللى مرات أبويا ربتها عندى".
وأضافت المتهمة: "ومن ضمن العقد النفسية اللى حصلتلى لما مرات أبويا جوزتنى من واحد كبير فى السن علشان الفلوس، وكانت مراته ميتة ومخلف منها طفلة صغيرة، وطبعاَ كانت مهمتى تربية بنته، لكن لسوء حظ البنت أنها وقعت فى إيدى، وكنت ديما بعامل البنت زى ما كانت مرات أبويا بتعاملنى، وكنت ديما بضربها لما تغلط وأعذبها مرة بالخرطوم ومرة أحرقها بالنار".
وأشارت المتهمة: "لغاية ما جيت مرة من المرات وأنا بضربها وكان سنها فى الوقت ده 5 سنوات، قمت ضرباها بالعصاية على دمغها لأنها فى اليوم ده عملتها على نفسها مرتين، لقيت البنت أغمى عليها ولما جيت أفوقها لقيتها مش مطلعة نفس لغاية ما اتأكدت إنها ماتت، وكنت قبلها بشهرين مخلفة بنتى وكان خلقى ضيق وبتعصب بسرعة من أقل سبب".
وأوضحت المتهمة: "اتحكم على بسبب الواقعة دى بالسجن 7 سنوات، وقضيتهم وخرجت، ومن حسن حظى إن جوزى كان ملتمسلى العذر، وواثق إنى مكنتش أقصد أموت بنته، وكان معتمد على كمان فى تربية بنتنا التانية اللى أصبحت الحاجة الوحيدة اللى خرج بيها من الدنيا بعد وفاة بنته، ومكنتش ساعتها فاهمة مقولة يعنى أيه كما تدين تدان".
وتابعت المتهمة: "متوبتش من اللى حصلى مع بنت جوزى من سوء معاملتى لها، ونفس اللى حصل مع بنت جوزى حصل مع بنتى، كنت بضربها وأعذبها بالخرطوم والحرق والتخويف والترهيب، وفى يوم البنت ضايقتنى من كتر العياط رحت لسعها بالنار على سبيل التهديد زى ما اتعودت أعمل معاها لقيت البنت على صرخة واحدة، وبعدها مطلعتش نفس وعقبال ما خدتها على المستشفى كانت ماتت، وساعتها عرفت معنى كلمة كما تدين تدان.
من جانبها قررت غرفة المشورة بمحكمة جنح مستأنف الشرابية بالعباسية، برئاسة المستشار طارق درة، وعضوية المستشارين محمود شرف الدين، ورامى عامر، وأمانة سر محمد فتحى، تجديد حبس المتهمة 15 يوما على ذمة التحقيقات، على خلفية اتهامها بالقتل عقب تعذيبها عن طريق الخطأ بالأميرية.
موضوعات متعلقة..
- العثور على جثة طفل رضيع ملقاة وسط القمامة فى الوراق بالجيزة
تم أضافة تعليقك سوف يظهر بعد المراجعة