قررت الدائرة الأولى بمحكمة القضاء الإدارى بمجلس الدولة، برئاسة المستشار بخيت إسماعيل نائب رئيس مجلس الدولة، تأجيل نظر الدعوى المقامة من مها محمد كامل وإيمان رمضان وانتا إسماعيل ونيفين حسين وميرفت جلال "هوانم الزمالك" والتى تطالب بوقف تنفيذ أعمال الحفر المقامة حاليا بمنطقة الزمالك الخاصة بإنشاء مترو الخط الثالث لجلسة 14 نوفمبر المقبل .
سكان الزمالك
واختصمت الدعوى رقم 58108 لسنة 71 قضائية كلا من رئيس مجلس إدارة الهيئة القومية للإنفاق ووزير الداخلية ومدير الادارة العامة للمرور .
تجمع العشرات من هوانم منطقة الزمالك بمقر المجلس
وتجمع العشرات من هوانم منطقة الزمالك بنقر المجلس اعتراضا على أعمال الحفر التى بدأت من أيام لإنشاء الخط الثالث لمترو الأنفاق .
تجمع سكان الزمالك اعتراضا إنشاء خط مترو
وقالت الدكتورة مها الطرابيشى، إن قرار إنشاء مترو بمنطقة الزمالك غير صحيح ولا يليق بالمنطقة، مستطردة: "نعيش فى الزمالك من زمان ومش هنستحمل ولا هنقبل بمترو وسطينا نهائى".
وأضافت آمال إسماعيل، أنهم سيستمرون فى دعواهم القضائية لحين إصدار حكمًا نهائيًا وباتًا بمنع انشاء المترو داخل المنطقة التى عرفت من عهدها بالعراقة والرقى.
عدد الردود 0
بواسطة:
سامح
هوانم مين دووول بتوع الايجار القديم
هوانم مين دووول بتوع الايجار القديم
عدد الردود 0
بواسطة:
واحد من الناس
اللي عاجبه من الكحل يتكحل واللي مش عاجبه من البلد يرحل .. صدقوا اهل زمان
بسم الله ما شاء الله ... هي الامور وصلت لان سكان منطقة ترفع قضايا ضد الدولة لتعطيل مشاريع الدولة ، الهوانم ممكن تروح مكان تاني يليق بمقامهن العالي اذا كان المشروع حيضيقهن ، يا اختشوا عيب والا علشان ساكنين بملاليم ومش حامدين ربنا
عدد الردود 0
بواسطة:
الدكتور
الى الاخ سالم - ولا إيه؟
وسيادتكم عرفت منين إنهم من أصحاب الايجار القديم مش فى إحتمال برضه إنهم أصحاب العمارات فى المنطقة و حتى لو أصحاب إيجار قديم فهم من سكان الزمالك ولهم الحق فى التعبير عن أرائهم ولا إيه؟
عدد الردود 0
بواسطة:
مشمش
فى كل العالم 🙌 الواحد بيفرح لما يكون جنب سكنه محطه مترو انفاق.....ولكن كوكب الزمالك له راى اخر
👀👀..ارى ان المشاريع القوميه لا يجوز ايقافها من اجل حفنه من الرجعييين اصحاب المصالح الخاصه....واللى مش عاجبه حى الزمالك يروح يسكن فى مدينه الليمبى
عدد الردود 0
بواسطة:
عمر
ناس فاضيه
لو سكتنالهم هيقولوا نعمل استفتاء انفصال زى كردستان
عدد الردود 0
بواسطة:
عايده
( سؤال علي السريع )
نحن مربع الكيت كات ..امبابة ..المهندسين ...في انتظار المترو كوسيلة سهلة ..للقاهرة ..ابتداءا من محطة الاسعاف و العتبة و رمسيس ....و نترحم من المواصلات العادية.....نعمل اْية ....الخط كدة يمشي ازاي ...لما الهوانم معترضين.... نغطس في النيل و نعدي الزمالك .... و نركب من ابو العلا و لا نعمل اية ....
عدد الردود 0
بواسطة:
لوسيان كريم
توضيح الى العامة : لامانع من مروره بالحى بدون توقف : مرور الكرام
الزمالك اساسا اصبحت مكتظة بكل وسائل النقل والمواصلات التى تفرغ وتمتلئ بكل انواع البشر ، ولم تعد تستوعب المزيد من مرتادى وركاب المترو ، وحى الزمالك نفسه اصبح لايحتمل المزيد من "عابرى السبيل" - ومطالبة اهل الزمالك فقط من اجل منع فتح محطة بالزمالك ، ولكن بالطبع لامانع من مروره بطول الحى الى حى إمبابة بدون توقف "مرور الكرام"
عدد الردود 0
بواسطة:
ت
يا اخ لوسيان...ده مشروع قومى..والحجج مضحكه هذه التى تقولها لعدم انشاء محطه لمترو الانفاق بالزمالك
👀👀 مشمش 👀👀....روح مدينه العبور او الشروق..مافيهاش مترو انفاق...وريح نفسك بدل هذه الافتكاسات..وتضييع وقت..فى موضوع محسوم
عدد الردود 0
بواسطة:
جمال توفيق
ثقافة شعب
نلتمس كل العذر لقاطني الزمالك .. ثقافة العشوائية في سلوكيات عامة الشعب وإنتشار الجهلة والبلطجية ومرتزقة الكفور والنجوع دمر العاصمة الكبرى مما جعل القيادة السياسية تأخذ قرار إنشاء العاصمة الإدارية الجديدة في محاولة لإحياء القاهرة القديمة .. لقد تم تشويه كل ما كان جميل ونظيف في مدن مصر العريقة وعن تجربتي الشخصية فبعد أن كان جيراني عميد الأدب العربي دكتور طه حسين وعميد المسرح العربي يوسف بك وهبي وعميد الهندسة والمقاولات المهندس عثمان أحمد عثمان .. أصبح جيراني من العشوائيين بعد قيام بؤرة ما يسمى بشارع فيصل .. عمارة للبيع لمن يرغب ..
عدد الردود 0
بواسطة:
نفتالين بلية
أنا مش فاهم مصدر الخوف فين بالظبط
اللي عاوز يروح الزمالك يقضيها خروجات بيروح عادي ومواصلات كتير موجودة و شباب وشابات كتير كل يوم بتروح جنينة الأسماك عشان معجبين بعالم البحار مش عشان حاجة تانية ، أنا شايف إن الخوف ده غير منطقي بالمرة ، المحطة أكيد حتسهل على ناس كتير بتشتغل في الزمالك وأنا كنت باشتغل هناك وباعاني أشد المعاناة عشان ألاقي مكان الصبح للركنة ، أعتقد إن المترو حيشجع الناس اللي مش بتلاقي أماكن انتظار بسهولة وبكده تقل الزحمة ويعم الحب والسلام على الجميع