تسريب لصفوت حجازى يكشف عدم امتلاكهم دليلًا على متهمى موقعة الجمل

بث الإعلامى أحمد موسى، عبر برنامجه "على مسئوليتى" تسجيل صوتى مسرب للإخوانى صفوت حجازى، وهو يتحدث إلى أحد عناصر الجماعة الإرهابية ويخبره بأنه لا توجد أدلة على المتهمين المتورطين فى موقعة الجمل، ويطالبه بالذهاب إلى وزارة العدل للإدلاء بشهاته.

بداية التسريب ظهر صوت صفوت حجازى وهو يقول للطرف الأخر:"أنا كنت فى وزارة العدل النهردة ولسا خارج من ساعة علشان موقعة الجمل.. والناس معندهمش أى أدلة لأى حاجة والوضع ده لو فضل كدا كل الناس دول هيخرجوا براءة".

وقال المتصل لحجازى، خلال المكالمة أنهم لا يملكون أى أدلة تجاه المتهمين فى موقعة الجمل فى هذا الوقت، متابعا:" بقول لحضرتك يا دكتور بخصوص الاعترافات فاكر حضرتك فى فيديوهات تم تصويرها أثناء التحقيق مع المقبوض عليهم ليرد حجازى:" هى فين عايزنها"، ليجيب المتصل:"أكتر من شهرين بدور عليهم مش لاقيهم، وقالولى خدها الدكتور بلتاجى وبعدين قالوا عند الدكتور حازم، وقالوا سلموها النيابة، وعندى معلومة أن النائب العام موصلوش حاجة، والحاجة مش عارفين هى فين وموجودة عند حد من الإخوان".

وقال حجازى خلال المكالمة:" روح للمستشار عشان موقعة الجمل لأن موقعة الجمل فى بلطجية كانوا بيعترفوا بأسماء المتهمين، قول كل اللى عندك لأن الناس دى مفيش عندهم دليل، ولو فضلوا كده متهمى موقعة الجمل هيخرجوا براءة، وضابط أمن الدولة اللى مسكناه وكنتوا بتضربوا فيه، وأنت كنت من ضمن الناس اللى ضربوه، ومتقولش أنك ضربت معاهم".