طفت على سطح الشارع المصرى فى الفترة الأخيرة ظاهرة لجوء المواطنين للتبول أسفل الكبارى وخلف الأسوار، تلك السلبية التى تعد سببا فى انتشار الأمراض، غير أنها تتسبب فى اكتساب الأجيال القادمة عادات سيئة.
ظاهرة التبول فى الشوارع تحديا كبيرا، حيث تؤدى إلى شكل غير حضارى للشوارع المصرية، إلا أنها تلقى الضوء على الدور الغائب للحكومة فى بناء وتطوير الحمامات العمومية التى أصبحت نادرة وقليلة جدًا فى أغلب الأماكن العامة، لكن التساؤل الذى يطرح بقوة يتمثل فى من المسئول عن لجوء المواطنين للتبول بالشارع، غياب المراحيض العامة بالشوارع، أم أزمة حضارية، أم سوء تخطيط عمرانى، أم سلوك يحتاج لتغيير.
انتشار ظاهرة التبول فى الشوارع يترتب عليها انتشار أمراض خطيرة أهمها التينيا الأربية التى تظهر على هيئة قشور فى الخلف وأيضًا مرض المونيليا الذى يأتى على هيئة بثور حمراء وغيرها من الأمراض التى يمكن أن تصيب الجهاز التنفسى بسبب شدة الرائحة.
ورصدت كاميرا فيديو 7 "قناة اليوم السابع المصورة" بعض المواطنين يمارسون هذه الظاهرة السيئة، بمناطق لا يوجد بها حمامات عمومية، كما رصدنا تعليقات بعض المواطنين على هذه الظاهرة، وتنوعت ردود الفعل ما بين السخرية والاشمئزاز.
يقول عامل نظافة بموقف العاشر:" أنا شغال عامل نظافة فى موقف العاشر ولما بكنس أرجع علشان ألم الزبالة بلاقى واحد واقف بجوار السور يتبول ولما أكلمه يقولى أنت ملكش دعوة أنت شغال بتاع زبالة.. فى الموقف هنا فى حمامين والناس مش بترضى تدخله علشان ميدفعوش النصف جنيه كله بيستسهل ويدخل جنب الحيط أو عمود كهربا ويقضى حاجته والوساخة جامدة فى المكان هنا ومحدش بيعمل حساب أى حد".
أحد العمال بموقف التحرير يقول: "زى ما أنت شايف كده الدنيا اتغيرت والناس بتعمل أى حاجة والناس بقت مش بتراعى غيرها، ومفيش رقابة ولا أى حاجة والدنيا اتغيرت".
يقول طالب بإحدى جامعات مدينة 6 أكتوبر: "يعنى ممكن أدخل الحمام فى الجامعة أو أشوف أى مكان تانى.. ولما بكون بعيد عن الجامعة بستنى لحد لما أرجع البيت لأن هنا مفيش حمامات عمومية.. مصر من الدول إللى مفيهاش حمامات عمومية كل 500 متر".
وسأل "اليوم السابع" أحد الأشخاص، أين تقضى حاجتك إذا لم تجد حمام عمومى:" الحمد لله الدولة عاملة لينا أركان عمومية بنعرف نتصرف عادى". نفس الإجابة رد بها طفل قائلا: "جنب أى حيطة عادى يعنى".
ويقول آخر: " فى حمام أى جامع أو كافيتريا المفروض أصلا تبقى فيه حمامات عمومية بس مفيش".
ومن جانبه قال أحد الأشخاص: "هعملها فى أى جنب كده عادى يعنى"، وردا على تساؤل:"مش هيبقى موقف محرج"، رد قائلا:" يبقى شكلى مش كويس بس لو فيه حمامات أكيد مش هعمل كده.. بس بتصرف بدل ما أتعرض لموقف أكثر إحراجا".
.jpg "تبول المصريين (1)")
.jpg "تبول المصريين (2)")
.jpg "تبول المصريين (3)")
.jpg "تبول المصريين (4)")
.jpg "تبول المصريين (5)")
.jpg "تبول المصريين (6)")
.jpg "تبول المصريين (7)")
.jpg "تبول المصريين (8)")
.jpg "تبول المصريين (9)")
.jpg "تبول المصريين (10)")
.jpg "تبول المصريين (11)")
.jpg "تبول المصريين (12)")
.jpg "تبول المصريين (13)")
.jpg "تبول المصريين (14)")
.jpg "تبول المصريين (15)")
عدد الردود 0
بواسطة:
Ashraf abdelmaged
شعب غلبان
واللهى المصريين اتبهدلوا كل حاجة فيها أزمة حتى الحمامات العمومية لما أصبح سلوكنا أعجوبة ومسخرة العيب فى مين الدولة ولا الشعب الطف يا رب .
عدد الردود 0
بواسطة:
ابو محمود
شكرا لليوم السابع
شكرا لليوم السابع هذه المؤسسة العظيمة التى هى بالفعل تتكلم بلسان المصرى الغيور على بلده . لن أعلق كثيرا فى هذآ الموضوع لأن التقرير كان واضح المعالم بالنسبة للمشكلة وأسبابها المتعددة وطرق حلها . كل مااريد أن اضيفه فى هذا الشأن هو رجاء من اليوم السابع ان يتبنى حملة إعلامية مستمرة لتسليط الضوء على تلك المشكلة الخطيرة التى هى فى الحقيقة ضد الإنسانية. إصلاح هذا الأمر ليس مستحيل ولا حتى صعب بالمرة فقط لو وجدت الإرادة . وفقكم الله. وتحيا مصر
عدد الردود 0
بواسطة:
ziad
إنسان عايز يعمل زى الناس
إنسان عايز يعمل زى الناس..مفيش حمامات عمومية ولو لقى حمام..هيلاقيه بفلوس..وهو عايز يوفر الفلوس لولاده لان البلد ناقص تبيعه هو شخصيا كبنى أدم فى سوق الجمعة وتاخد تمنه..بعد مشالت الدعم ورفعت سعر الخدمات..رفم ان موارد البلد بتروح للدولة ومفيش للمواطن نصيب فيها.....
عدد الردود 0
بواسطة:
محمد عبد الحميد
لماذا لا نفتح دورات مياه المساجد وزيادة عدد الحمامات العامة.
المفروض كل 200متر حمام عمومى.حتى لو باءجر بسيط.وكمان يجب ان تفتح دورات المياه للجوامع كل 200متر وعدم غلق دورات المياه.وجعلها سبيل للناس.على ان تراعى الناحية الاءمنية فى ذلك.لاءعطاء المظهر الحضارى لبلدنا.وحتى لا يتبول احد اءو يتغوط فى الشارع.
عدد الردود 0
بواسطة:
م محمد حسين
عن الحمامات العمومية
لاتحاسبوا الشعب بل حاسبوا الدولة في الخارج حمامات حتي للقطط والكلاب مش البني أدميين وبس الشعب مهضوم حقة في كل شئ والحكومة تفعل كل ماهو ضد المواطن علي طول الخط
عدد الردود 0
بواسطة:
omar mahmoud
من المسؤول
السبب وراء انتشار هذه الظاهره فى المحطات و والاماكن المزدحمه البائعين وسائق العربات اضف إلى ذلك قلة دورات المياه وإن وجدت تكون غير ادميه من حيث المظافه والباشا اللى قاعد على الكرسى امام الدوره كل همه ياخد رسوم الدخول ووضع لها تسعيره جنيه واللى مش معاه الشارع واسع وفيه ناس أصحاب مرض ما تقدرشى تستحمل احنا قدمنا كتير علشان نفهم مشاكلنا والحلول موجوده بس مين يسمع وفى الاخر نقول مين المسؤول عن اللى بيحصل وتحيا يا مصر
عدد الردود 0
بواسطة:
Mahmoud Ezzat
مهم
بصراحة فكرة الموضوع جميله. وواجب طبعا ان يكون فيه حمامات عموميه. بس ان شايف ان سلوك المواطن ليه دور في كده. و لازم سلوكنا يكون أكثر رقي. ماعدا طبعا الحالات الصعبه اللي مضطره تعمل كده زي مرضى السكر للأسف. من الاخر لو حمام عمومي من غير سلوك منضبط هايكون اسوا من الشارع
عدد الردود 0
بواسطة:
الدكش
دورة مياه المطار الجديد
لى الرغم من فخامته ورقيه إلا أنه لا يوفر حمامات لمرتاديه وبالتالي يضطر (المزنوق) للنزول أسفل ليجد دورة مياه (قذرة) ولا يجد مكان لقضاء حاجته وربما يضطر (ليعمله) في الزقاق الضيق جداً بين دورة المياه وأحد الأسوار_____________________ ليتكم تلقون نظرة (أعزكم الله)_______________________________ ودمتم ........
عدد الردود 0
بواسطة:
abdallah
؟؟؟؟؟
اذا كانت دورات المياه العامة اصبح يديرها بلطجية ومدمنين واصبحت متوى لهؤلاء عايز المواطن يعمل ايه الموضوع يكتمل مع ازمة الفكر والسلوك والتصرفات الغير آدمية شوفوا التعليم وصل لحد فين . ح تلاقى ثثافتنا على نفس النقطة
عدد الردود 0
بواسطة:
بنت مصرية
يسر لى الصواب ثم حاسبنى على الخطأ !!
كون الناس بتقضى حاجتها فى الشارع دى مشكلة دولة مش مشكلة سلوك مواطن , المواطن انهارده بيقضى اغلب يومه فى الشارع بسبب زحام الشوارع والتحاق المواطن بأكثر من عمل دا طبعا غير العمال الأرزقية اللى شغلهم اصلا فى الشارع , طيب لما يحتاج يتبول يعمل ايه ومفيش دورات مياه عمومية ؟؟ هل مطلوب من كل مواطن يركب قسطرة مثلا علشان ميوسخش الشارع !! وللا يلبس بامبرز ؟؟ لما الدولة توفر المراحيض العمومية فى كل شارع وقتها يبقى من حقها تحاسب المواطنين على التبول فى الشوارع واى حد ساعتها يقف يتبول فى الشارع يلاقى عسكرى وللا امين شرطة جابه من قفاه ودفعه غرامة تلويث الشارع , لكن قبل ما ده يحصل مش من حقنا نقول للمواطن متتبولش فى الشارع , لأن الرد الطبيعى , امال اتبول فين ؟؟.