خالد صلاح

برعاية سوبر كورة

سوبر كورة

عمرو أديب يعلق على أزمة سد النهضة: مصر تتحرك بشكل قانونى ودبلوماسى

الإثنين، 07 أكتوبر 2019 12:38 ص
عمرو أديب يعلق على أزمة سد النهضة: مصر تتحرك بشكل قانونى ودبلوماسى عمرو أديب
كتب محسن البديوى

مشاركة

اضف تعليقاً واقرأ تعليقات القراء
علق الإعلامى عمرو أديب، على أزمة سد النهضة، قائلَا: "إحنا أصلًا عندنا فقر مائي، من غير سد النهضة".
 
 
وأضاف "أديب"، خلال تقديمه برنامج "الحكاية"، أن  :"مصر دولة فى الفقر المائي وبقالنا سنين كده، إحنا دولة فقيرة مائيًا، ومصر بتتكلم في الأزمة بشكل قانونى ودبلوماسى".
 
وتحدث أديب، عن الاجتماع الذي عقد في فترة حكم محمد مرسي، بشأن هذه الأزمة قائلًا: "اديكم شوفتوا الاجتماع السري بتاع مرسي اللي ضرب كل بيت في إثيوبيا زي فيلم الكيت كات، وقالك المصريين عايزين يضربونا".
 
وواصل: "إمبارح بعد ما خلصت الحلقة لقيت حالة هيستيرية كده مكملة لحد النهارده الضهر، والغريب في الأمر إن الهستيريا دي من الشلة إياها، بيقولك أنتوا إزاي بتقولوا إن فيه مشكلة في سد النهضة".
 
 
وأضاف، : "يا جماعة عندنا مشكلة في موضوع سد النهضة، واللي بيتفرج عليا حفظ إنى بزن من سنين، وقلت إننا عندنا مشاكل مع إثيوبيا في الموضوع ده.. دى مفيهاش هزار، إحنا فعلًا عندنا مشكلة في المفاوضات وغلطتنا في المفاوضات إننا قعدنا معاهم كتير، بس مكنش بمزاجنا، لأن الناس اللي قاعدة على الطرابيزة اتغيروا كذا مرة، لكن مصر قالت كفاية كده، إحنا هنستنى لغاية إمتى؟ لغاية ما تخلص السد؟".

مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

عباس المصرى

سد النهضة

والله يا استاذعمر دة بردة كان رايى من يوم ما سمعنا عن حكاية سد النهضة ايام لما كانوا اخونا البعدة فى الحكم بس الواحد مكانش لسة عارفهم على حقيقتهم . والي بلغنى بهذ الخبر واحد صحبى مصرى هنا فى الغربة . ولقيت نفسى على طول برد . لو كان الراجل دة جدع يبعتلهم سربين تلاتة ليقمو بعملية سريعة محددة . وبعدين هما يروحوا باة يشتكوا لما يسمى بمجلس الامن والامم المتحدة والمجتمع الدولى الخ الخ . اسف على طريقتى الذى يعتبرها البعض تهور وجنون وله عوقبه الوخيمة . ولكن بطبية عملى كقبطان لاعالى البحار يجب على ان اتخذ قرارات سريعة و حاسمة . ولولا اللة منح مصر قائد مغوار مثل رحمه اللة السادات لما كنا فى هذه الايام نحتفل و نفتخر برجوع سيناء . وكنا مازلنا لسة بنعيط و بنولول على ابواب الامم المتحدة . او كنا اليوم و محتلون ونداس باقدام احقر واقذر خلئ اللة .

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة