خالد صلاح

نسبة الانتحار فى إنجلترا وسويسرا أكثر من مصر..

عمرو أديب: قنوات أجنبية وإخوانية تصدّر نغمة "انتحار المصريين" لبث اليأس

السبت، 07 ديسمبر 2019 12:08 ص
عمرو أديب: قنوات أجنبية وإخوانية تصدّر نغمة "انتحار المصريين" لبث اليأس عمرو أديب
كتب أحمد عبد الرحمن

مشاركة

اضف تعليقاً واقرأ تعليقات القراء

قال الإعلامى عمرو أديب، إن هناك بعض القنوات الأجنبية والإخوانية لا زالت مستمرة فى نغمة أن المصريين ينتحرون من القهر والفقر وغيره، مردفاً:"اتكلما فى الأرقام وسألنا الأسئلة اللى مش عاوزين يسألوها".

وأضاف أديب خلال تقديمه برنامج "الحكاية"، على فضائية "MBC مصر"، :"هو بالأرقام ولا بالنسبة، لو بالأرقام الناس فى إنجلترا بتنتحر أكتر من اللى فى مصر، هل دا معناه إن الناس فى إنجلترا مقهورة، الناس فى سويسرا بتنتحر أكتر من اللى فى مصر، لو بالنسبة فعدد السكان فى مصر أكبر يبقى النسبة أقل".

وتابع أديب:"مفيش أى مشكلة تقولولى إن الوضع فى مصر اقتصادياً صعب على الناس، ودا شئ مش سر، إنما تلقى قنوات الإخوان وفهمناها طالعين عاوزين يقولوا أى كلام، بينما قناة زى بى بى سى، المفروض بتوع أرقام وإحصائيات، ايه الحكمة من تصدير أن البشر تنتحر فى مصر، انتو عرفتوا الشاب دا انتحر ليه وهم كام وحد ونسب الدول فى المنطقة العربية طبقا لعدد السكان والأبحاث الاجتماعية بتقول ايه؟ ولا إجابة لأى سؤال".

وأشار أديب إلى أن الهدف هو تصدير حالة من حالات اليأس، مردفاً:"زى الفيديو اللى قصه أحمد منصور للرئيس، وطلع كله كدب ومقصوص، أنا مش ضد المعارضة ونقول لبعض حاجة غلط وصح، لو سمحت لما تقولى حاجة يكون فيها جزء من الحقيقة، بينما الافتراء والظلم والكذب حرام".

 


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة