أكرم القصاص

بهاء الدين محمد يكتب: الحب عهد

الخميس، 14 فبراير 2019 12:00 م
بهاء الدين محمد يكتب: الحب عهد ورقة وقلم

مشاركة

اضف تعليقاً واقرأ تعليقات القراء

الحياة مش واقفة أبدا

مهما يحصل برضو راضى

قلبى هيراجع حسابه

بس برضو هسيبه فاضى

 

لما تيجى واحدة تقدر

تبنى من تانى ف أساسه

تيجى تحيى ف يوم وجوده

تبقى أم وبيت وناسه

 

تبقى حلم لبكرة يجى

كان مغمى النور عليه

كل حلمه إن بكرة

يجى موته يدارى فيه

 

وأنا برضوا رافض إنى أكمل

جوة دايرة حزن فيا

جيتى إنتى ظهرتى فجأة

فعشت أحلم تبقى ليا

 

جيتى غيّرتى ف حياتى

كنتى صاحب يوم م كل الدنيا مالت

كنت حبيتك ساعتها

بس برضوا فضلت ساكت

 

كنت خايف اعترفلك

تبعدى ..فاخسر وجودك

بس دايما كنت بدعى

وافتكر دايما وعودك

- اوعى تزعل

- مش هسيبك

- صلى فرضك

- واوعى تنسى ف يوم سجودك

تدعى دايما باللى جى

وأنا دعوتى أفضل معاكى

طول م لسه النبض حى

 

صداقتنا جت صدفة

من لغبطة أسماء

إعجاب فحُب

فخناق!!

ومازلنا متماسكين

ماسكين وبنعافر

أبدا منستسلمش

نزعل ونتخاصم

 

وأنا برضوا متعلمش

وبزعلك تانى

بتقولى تعبانى

وأنا راحتى وياكى

لو مهما روحت وجيت

أو حتى مرة قسيت

هفضل كدة معاكى

 

م الحب مش كلمة فـ ورق

ولا صدفة بين اتنين

الحب عهد ودين

 

وأنا عهدى م هسيبك

هفضل كده ف إيديك

ضهر وأمان ليا


مشاركة

اضف تعليقاً واقرأ تعليقات القراء



لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة