خالد صلاح

وائل غنيم يفضح مرتزقة الإخوان في عقر دارهم.. مداخلة مع "مكملين" تكشف الجماعة.. تفاصيل التمويلات وخيانة يحيى حامد للشباب.. تعرية المقاول بعد التواصل مع هاربين.. ولمذيعي القناة: انتوا بغبغانات بترددوا كلام قطر

السبت، 18 يناير 2020 12:31 ص
وائل غنيم يفضح مرتزقة الإخوان في عقر دارهم.. مداخلة مع "مكملين" تكشف الجماعة.. تفاصيل التمويلات وخيانة يحيى حامد للشباب.. تعرية المقاول بعد التواصل مع هاربين.. ولمذيعي القناة: انتوا بغبغانات بترددوا كلام قطر وائل غنيم
كتب ماجد تمراز - أحمد عرفة

مشاركة

اضف تعليقاً واقرأ تعليقات القراء

وائل لمذيعى القناة: بتقبضوا كام من تركيا وقطر علشان تشتموا مصر

الناشط السياسى يفضح المقاول محمد على عمل ورقة كتبها الإخوان ويحيى حامد باع الشباب وعمل بيزنس لنفسه

- وائل غنيم لـ"المذيع الإخوانى": انتوا بغبغانات وبترددوا الكلام اللى بيتقالكوا من قطر

- وائل غنيم:
 أنت مدخلنى فى مداخلة معاك عاوزنى أضرب نار وأعارض وأشتم.. ده مينفعش


سعت قناة مكملين الإخوانية، لإخراج الناشط وائل غنيم، فى مداخلة ليؤيد الجماعة ويشن هجومًا على مصر، إلا أن وائل غنيم فاجأهم ليكشف تمويل الجماعة وقنواتها التحريضية وكيف تسيطر قطر على القرار الإخوانى وتتحكم فى الإخوان، حيث خرج مع الإخوانى سيد توكل فى مداخلة، ليفضح فيها التعاون الإخوانى مع قطر وتركيا ومخابرتهما، كما شن هجومًا عنيفًا على قيادات الإخوان، حيث وجه سؤالًا للمذيع الإخوانى سيد توكل قائلاً: "أنت بتتعامل مع مين من المخابرات القطرية والتركية؟".

وقال وائل غنيم خلال مداخلته على قناة مكملين الإخوانية: محمد على يدعو للتظاهر بناءً على ورق مقدم له من الإخوانى يحيى حامد وقيادات الإخوان، موجهًا هجومه للمذيع الإخوانى قائلاً: "أنتم تكذبون ولا أعلم من الذى يمولك يا سيد توكل أنت وقناتك مكملين".

ووجه وائل غنيم حديثه للمذيع الإخوانى قائلاً: "أنتوا لم تكونوا تسبون المملكة العربية السعودية ولكن سبتوها وشتمتوها بعدما دخلت فى خلاف مع قطر، متابعًا: أنت رافض أنى أتكلم على تميم لأنه مش موجود.. وفى نفس الوقت عاوزنى أنتقد النظام المصرى مع أنه برضه مش موجود، فقطر بتضحك عليك.. ويا ريت تقولى مين اللى بيأكلك؟".

وواصل وائل غنيم فضائحه لقنوات الإخوان قائلاً: "نفسى أعرف مين اللى بيمولكوا لو عندكوا الجراءة حد يجاوبنى، وعزام التميمى - قيادى إخوانى فى لندن - بيقبض من مين يا سيد؟ - فى إشارة إلى المذيع الإخوانى سيد توكل.. أنت عاوزنى أتكلم عن مصر لكن أنا عاوز أتكلم عن عزام، إزاى تقبضوا فلوس مقابل أنكم تلعبون سياسة!، وعهد الله يا سيد أنتوا فاهمين الدنيا غلط ومش دى مصر اللى أنا عاوزها".

وتابع وائل غنيم موجهًا حديثه للمذيع الإخوانى: المعارضة التى بدأت منذ 6 سنوات فى تركيا تقدر تقولى عملت إيه لحد دلوقتى؟، يحيى حامد ساب العيال الصغيرة - فى إشارة إلى شباب الإخوان - تتسوح فى الغربة وراح خد الجنسية التركية وبقى بيزنس مان، يا ريت يحيى حامد يبص للصورة الصح لمصر وهو فاهم أن الغلط راكبوا، وأنت - فى إشارة إلى المذيع الإخوانى سيد توكل - بتتعامل مع مين من المخابرات القطرية والتركية؟ ومن الذى يمول قناة مكملين.

واستطرد وائل غنيم: عزام التميمى يأخذ أموالا من قطر وقاعد يخطط لمستقبل مصر وهو مبعرفش عنها حاجة، والمعارضة ليست متفقة على وثيقة ولا عارفة تتفق على أى حاجة، فقبل ما أتكلم مع أى معارضة أنا محتاج أعرف مين اللى بيمولهم، أنت مدخلنى فى مداخلة معاك عاوزنى أضرب نار وأعارض وأشتم.. ده مينفعش، أنتوا - أى الإخوان - بغبغانات وبترددوا الكلام اللى بيتقالكوا من قطر وطلعتوا إشاعة إن الإمارات مولت حركة تمرد، أنت معندكش مشكلة قطر تمولك بس تضايق لو الإمارات مولت حركة تمرد، والله أعلم أردوغان يتعامل إزاى مع معارضيه".

واستطرد وائل غنيم: "الحل الوحيد للأزمة فى مصر أن المصريين يتحدوا مع بعض ومياخدوش فلوس من قطر، ومينفعش كل ما نزعل ونعترض ننزل الشارع.. مش صح ومش هينفع.. كده مش هنخلص".

 


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

Abood

سلام

السلام عليكم

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة