أكرم القصاص - علا الشافعي

يسرا تكشف حقيقة إصابتها بمرض السرطان فى رسالة لليوم السابع

الأربعاء، 22 يناير 2020 02:54 ص
يسرا تكشف حقيقة إصابتها بمرض السرطان فى رسالة لليوم السابع يسرا
كتب عمرو صحصاح

مشاركة

اضف تعليقاً واقرأ تعليقات القراء
نفت النجمة الكبيرة يسرا إصابتها بمرض سرطان الدم، موضحة فى تصريحات خاصة لـ"اليوم السابع"، أن بعض الناس فهمت حديثها فى أحد البرامج التى ظهرت فيها مؤخرًا بشكل خاطئ.
 
وقالت النجمة الكبيرة يسرا من خلال رسالة نصية عبر "اليوم السابع": "مساء الخير على كل الناس الحلوة الطيبة اللى بتسأل عليا وخايفة عليا، ربنا يخليكم يارب ليا بس عايزة أطمنكم، أنا لما كنت بتكلم فى برنامج "علمتنى الدنيا"، كنت بقول كانوا شاكين إن عندى لوكميا "سرطان الدم"، من فترة طويلة وقعدت فى الشك ده 3 شهور، وأنا الحمد لله بخير كويسة ماعنديش حاجة ربنا سترها وطلع التشخيص غلط، والكلام ده كان من 15 سنة".
 
وأضافت النجمة الكبيرة يسرا فى رسالتها الصوتية: "بقول لجمهورى الحبيب الغالى بشكركم جدا على دعاكم وبشكركم جدا على خوفكم عليا، وعاجزة عن الشكر، ومهما هقول ما أقدرش أوفى الحب الكبير ده، ربنا يخليكم ليا، وبشكركم أوى أوى أوى، والله العظيم أنا ربنا مدينى الخير والصحة، الحمد لله أنا كويسة جدا جدا على الخوف، عايزاكم دايما تدعولى، لأن بحتاج الدعاء على طول، وربنا يحفظكم انتوا كمان من كل شر".
 
وأنهت النجمة الكبيرة يسرا حديثها مع اليوم السابع، قائلة :"الحمد لله صحتى كويسة، وبشكركم جدا على اهتمامكم، وبشكر جدا الناس اللى خافت عليا، وبحبكم وميرسى على الدعوات اللى أنتوا باعتوهالى، بس الحقيقة أنا بطمنكم إن مفيش أى حاجة فيا، ما عنديش المرض ده، ربنا يعافينا ويعافيكم". 
 








الموضوعات المتعلقة


مشاركة

اضف تعليقاً واقرأ تعليقات القراء
لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة