خالد صلاح

كوبليه محذوف من أغنية عمرو دياب "مكانك فى قلبى" بصوت تامر حسين.. فيديو

الثلاثاء، 13 أكتوبر 2020 09:19 م
كوبليه محذوف من أغنية عمرو دياب "مكانك فى قلبى" بصوت تامر حسين.. فيديو الهضبة عمرو دياب وتامر حسين
كتب محمد تهامى زكى

مشاركة

اضف تعليقاً واقرأ تعليقات القراء

كشف الشاعر الغنائى تامر حسين، عن كوبليه محذوف من أغنية "مكانك فى قلبى" للهضبة عمرو دياب، التى غناها ضمن أغانى ألبومه الأخير "سهران"، وهى من كلمات تامر حسين، ألحان شريف بدر، توزيع طارق مدكور.

وقام تامر بغناء الكوبليه المحذوف من الأغنية بصوته، ونشره عبر حسابه على فيسبوك، جاء كلماته كالتالى: "فى الكام سنه اللى أنا عيشتهم فى الدنيا ديا.. بناس غاليه ولا معارف بعمرى اللى فات.. أنت الوحيد اللى أعترِف أثرت فيا.. وليك جوه قلبى غلاوة وليك ذكريات".

وتقول كلمات الأغنية التى طُرحت ضمن الألبوم:

مكانك فى قلبى مهما كنت بعيد عليه

ومش كل يوم بنقابل حبايب جداد

صوتك واحشنى وضحكتك يا حبيبى ليه

ياما نفسى اشوفك تانى فى اقرب معاد

مقدرتش انساك والياللى.. كل ما تفوت الليالى

كل ما اشتاق يا حبيبى واقول

أيامنا وحشاك ولا ناسى

ياللى انت من غيرك بقاسى

ياللى عمرى اعيش عمرى معاك على طول

محدش هيعرف يملى أى مكان تسيبه

وعايش حياتى فى بعدك على الذكريات

فى حد فى الدنيا دى بيعوض حبيبه

أنا اللى بايدى صحيت فى قلبى حكايات

وتعاون عمرو دياب فى "سهران" مع العديد من الشعراء منهم تامر حسين، خالد تاج الدين، صابر كمال، أحمد المالكى، الملحنين عزيز الشافعى، عمرو مصطفى، عمرو دياب، محمد يحيى، شريف بدر، والموزعين طارق مدكور، نادر حمدى، أسامة الهندى، رامى سمير، إضافة إلى عدد آخر من الشعراء والملحنين والموزعين.


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة