مستر هبدو .. كورونا فيروس ولا مؤامرة ولا الهوا رماك؟

شهور على فيروس كورونا، دول قفلت وطيران توقف، ناس خسرت وناس كسبت من اغنياء حرب كورونا. موجة تانية مع الشتا عاملة رعب، إصابات بمئات الآلاف، ودول تانية متوسطة.. أوراق وابحاث مؤتمرات صحفية إعلانات عن ادوية وتطعيمات ولقاحات ناس بتتكلم عن فيروس خطير، و ناس مش مصدقين، وبيتكلموا عن مؤامرة، امريكان بيتهموا الصينيين، وصينيين بيتهموا الأمريكان، وإنه فيروس مصنوع في معامل حرب بيولوجية،  وإن الصينيين بدأوا يخرجوا للسياحة والعالم بيغلق

نظرية وبتقول، إن مجلس ادارة العالم وراء الفيروس، وإنه عمل كده علشان شركات الدوا ومعامل التحاليل تشتغل وتكسب، وإن تجارة الرعب من أيام انفلونزا الطيور والخنازير اللي ما قتلتش كتير، بينما أمراض زى الملاريا والتيفود بنقتل ملايين ولا تجد اهتمام من منظمات زي الصحة العالمية المصل لم يسلم من اتهامات بأنه محاولة لزرع شرايحه للتحكم في البشر.

 الملياردير بيل جيتس مؤسس مايكروسوفت  قال في 2015 تصريح، إن فيه عدو ممكن يقتل 200 ملايين بنى آدم، وإنه دا فيروس ولما ظهر كورونا اتكلم عن المصل واتهموه بإنه ورا الموضوع ..نظريات المؤامرة بعضها من أطباء وعلماء وسياسيين.

هبد عادة وهبد علمي وهبد كونى على انغام اغنية كورونا فيروس ولا مؤامرة ولا الهوا رماك.