خالد صلاح

محمود الليثى: أنا خريج هندسة وسعد الصغير شغلنى مع السبكى وادانى 2000 جنيه من جيبه

الأحد، 29 نوفمبر 2020 11:59 م
محمود الليثى: أنا خريج هندسة وسعد الصغير شغلنى مع السبكى وادانى 2000 جنيه من جيبه تغطية اليوم السابع
كتب بهاء نبيل

مشاركة

اضف تعليقاً واقرأ تعليقات القراء
قال المطرب الشعبى محمود الليثى، أنا أصلا خريج هندسة شعبة تكنولوجى، وكل ما في الامر إن والدى شخص بسيط ولكن زى ما بيقولوا كان حابب ان أنا وأخواتى الـ 6 وهم 4 أولاد و 3 بنات، وكعادة أي أب حلمه الاول إن عياله التعليم والحصول على الشهادة وبعد كده اللى عاوزين يعملوه يعملوه.
 
 
وأضاف خلال استضافته في تليفزيون اليوم السابع، والدى قالى سيبك من الفن وكان بينزل يجيبنى من الأفراح من وانا عندى 18 سنة في وقت الثانوية العامة، وقالى ادينى شهادتى وبعدين اعمل اللى انت عاوزه، وخلصت الجامعة وخلصت الجيش، وروحت قابلت أستاذ خالد عمر صاحب شركة صوت الطرب وقالى تعالى نعمل شريط وكسرنا الدنيا.
 
وتابع: فى 2005 عملت البوم "عصفورين" وفى 2006 عملت البوم "يارب يارب"، وروحت عامل البوم "كان في ولد"، وفى نفس الوقت أتصل بيا سعد الصغير وقالى تعالى في شركة عند أحمد السبكى، وراحوا عاملين ليا عقد ومضيته ولقيت سعد بيقولى مبروك فقلتله مبروك ايه أنا عاوز فلوس، وفعلا القصة اللى بيحكيها سعد أنه أدانى 2000 جنيه من جيبه لما السبكى رفض يدينى فلوس في البداية كان حقيقى، وسعد ده من أطيب الناس اللى ممكن تقابلها في العالم وخدوم وجدع.
 
 

مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة