خالد صلاح

الطيار الموقوف: محمد رمضان لو هو مش عاوز يتكلم راجل لراجل يبقى القضاء يحكم بيننا.. فيديو

الإثنين، 24 فبراير 2020 12:51 ص
الطيار الموقوف: محمد رمضان لو هو مش عاوز يتكلم راجل لراجل يبقى القضاء يحكم بيننا.. فيديو الطيار أشرف أبو اليسر
كتب رامى محيى الدين

مشاركة

اضف تعليقاً واقرأ تعليقات القراء
قال أشرف أبو اليسر الطيار الموقوف بسبب محمد رمضان أنا لم ألجأ إلى القضاء إلا بعد 5 أشهر من أن يحال الفنان محمد رمضان التواصل معى ولم يتواصل معى.
 

وأضاف  خلال مداخلة هاتفية مع الإعلامية لميس الحديدى ببرنامج القاهرة الآن على قناة الحدث مفيش طيار في مصر عنده رخصتين ده كلام يدل على عدم فهم النظام والقوانين، الفنان محمد رمضان عرض أنه يدينى مرتبى، هل في حد يقبل هذا أنا كرامتى لا تسمح بذلك، أنا برفض ده أنا أروح أخد مرتبى من الفنان محمد رمضان أنا ما ينفعش أجرى ورا أي حد وأقوله يدينى كذا، أنا مستمر فى إجراءات التقاضى حتى يفى بوعده، هو قال فى برنامج على الهوا أنا هقعد مع كابتن أشرف واللى يرضيه أنا هعمله، وما فيش حد كلمنى غير الأستاذ سعيد إمام مدير روتانا وقولتله يتصل بالمحامى بتاعى لأنى كنت تعبان، ولو هو عاوز يقعد ونتفاهم إنما أنا مش مستنى أبتز أحد.

وأكمل: لو هو مش عاوز يقعد يتكلم راجل لراجل يبقى القاضى هو اللى يحكم إن شاء الله يطلب 100 مليون، فعلا أنا الحكومة فى الطيارة، أنا رئيس جمهورية الطيارة، والطائرة كالسفينة من حق الطيار إنه يجوز ويطلق، وأنا وافقت على صورة برايفت ولم أوافق على النشر أبدا، وعيب يقول أنت طالبت كذا علشان توزعها عيب أحنا مش عيال صغيرة، وده عيب جدا وكلام رخصتين ده كلام واحد مش فاهم، وأنا مستمر فى التقاضى ومش عارف المحامى طلب كام يطلب اللى يطلبه إن شاء الله يطلب مليار، أنا مستمر فى التقاضى حتى يجلس معى راجل لراجل.

 

 


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة