خالد صلاح

كلمات مهرجان "عُود البطل" لحسن شاكوش وعمر كمال قبل طرحه غداً

الإثنين، 02 مارس 2020 05:00 م
كلمات مهرجان "عُود البطل" لحسن شاكوش وعمر كمال قبل طرحه غداً حسن شاكوش وعمر كمال
كتب محمد زكريا

مشاركة

اضف تعليقاً واقرأ تعليقات القراء

يطرح مطربا المهرجانات حسن شاكوش وعمر كمال أغنيتهما الجديدة "عود البطل" وبالتعاون مع المؤلف مصطفى حدوته والموزع الموسيقى إسلام ساسو، مساء غد الثلاثاء، حيث روج القائمون على الأغنية لها بغناء أكثر من مقطع منها في فيديو على الفيس بوك، وتعد "عود البطل" الأغنية الأولى التي يطرحها الثنائى بعد "بنت الجيران".

 

وتقول كلمات أغنية "عود البطل"..

 

شفتك قمر طالع..وأحمر خدود فاقع

عود البنات عالى..شقلب لى انا حالى

يرخص ليك الغالى..يالى سحرتنى

عود البطل ملفوف..وانا لسه ياما هشوف

جايلك وانا مش مكسوف..ما انتى عجتبنى

واخدانى على الهادى..وجمالها مش عادى

لما بتيجى قصادى بموت 200 مرة

محبش غير هيا..وعايزها تعيش ليا

يا شاغلة افكارى..حسى بأجدارى

يا أحلى بنات جارى..يا فراوة الحتة

عاوزك يا بنبونتى..يا صاحبتى وبنتى

علشان اشوفك انتى..بعمل مليون خطة

الضحكة دى حكاية..سكر في كوباية

 

ويواصل المطرب الشعبى عمر كمال وزميله حسن شاكوش تعاونهما بإطلاق أغنية جديدة فى ظل أزمتهما مع نقابة المهن الموسيقية، برئاسة هانى شاكر مع مطربى المهرجانات بشكل عام وإصدار قرار بمنعهم من الغناء فى الأماكن السياحية وإقامة الحفلات الغنائية، الا أن هذا القرار لا يسرى على الأغانى التي يقدموها على موقع الفيديوهات "يوتيوب".

وحقق حسن شاكوش وعمر كمال شهرة كبيرة بأغنية "بنت الجيران" التى استطاعت حصد 150 مليون مشاهدة على يوتيوب حتى الآن بعد 3 أشهر فقط من طرحها، وتقول كلماتها: "سكر محلي محطوط عليه كريمة..كعبك محني والعود عليه القيمة..وتجيني تلاقيني لسه بخيري..مش هتبقي لغيري..ايوه انا غيري مفيش. بنت الجيران شغلالي انا عنيا..وانا في المكان في خلق حواليا..مش عايز حد ياخد باله من اللي انا فيه..شوفت القمر سهرني لياليا..وهموت عليكي ربي العالم بيا..سيبي شباكك مفتوح ليه تقفليه..بهوايا انتي قاعده معايا عنيكي ليا مرايه..ياجمال مرايه العين..خليكي لو هتمشي اناديكي انتي ليا انا ليكي.. احنا الاتنين قاطعين..تسيبني اكره حياتي وسنيني اتوه ومش هلاقيني".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة