خالد صلاح

عمرو أديب لغير الملتزمين بإجراءات الوقاية: "عاوزين تلعبوا مع الأسد براحتكوا"

الجمعة، 10 أبريل 2020 10:48 م
عمرو أديب لغير الملتزمين بإجراءات الوقاية: "عاوزين تلعبوا مع الأسد براحتكوا" عمرو أديب
ماجد تمراز

مشاركة

اضف تعليقاً واقرأ تعليقات القراء

علق الإعلامي عمرو أديب على وضع الناس في الشارع واستمرارهم في الاختلاط وإهمال أساليب الوقاية، وقال: "أنا شايف أن في ناس كتير مطمنة، لكن أنا شغلتي أني أقولك إن الموضوع خطير، وإنه مينفعش تخلي الدنيا لطيفة وتسلم وتبوس، وظيفتي أني أقولك أن مينفعش تعمل فرح وتعزم فيه الناس، والناس اللى تحضر دي يجيلها المرض وتموت، وتبقى أنت قتلتهم، حرام عليكوا فعلا".

وأضاف الإعلامي عمرو أديب، خلال برنامج "الحكاية" الذي يذاع على قناة mbc مصر: "يا جماعة الناس في أمريكا بيموتوا بالألفين في اليوم، ده لو بيموتوهم بالرصاص الحي مش هيموتوا بالأعداد دي، ونسبة الوفيات في مصر كبيرة جدا تعتبر من أكبر النسب في العالم، افهموا بقى حرام عليكوا، أنتو رايحين تلعبوا مع الأسد، هو في حد عاقل يروح يلعب مع الأسد برضه؟، أنت مش بتضر نفسك أنت بتضر كل اللى تعرفهم".

وقال عمرو أديب: "الناس اللى بتطلع تهبد على السوشيال ميديا وتقول مؤامرة، مؤامرة إيه يا ابني؟، أنت مبتشوفش اللي بيحصل في العالم ولا إيه، برة مصر الناس قافلة بلادها والصحة العالمية قالت كده، لأن نسبة الإصابات مش هتقف تماما إلا لو الناس منزلتش الشارع، الناس اللى بتغامر في شغلها مضطرة تعمل كدة عشان ميموتوش من الجوع، الناس التانية بقى بتنزل ليه، في 188 دولة مرزوعة في الحيط".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة