خالد صلاح

بسمة وهبة تهاجم حسين صبور بعد مطالبته إعادة العمل: رفعتلى الضغط وكلامك مش قادرة أبلعه

الأحد، 05 أبريل 2020 12:02 ص
بسمة وهبة تهاجم حسين صبور بعد مطالبته إعادة العمل: رفعتلى الضغط وكلامك مش قادرة أبلعه بسمة وهبة
كتب محسن البديوى

مشاركة

اضف تعليقاً واقرأ تعليقات القراء

أعربت الإعلامية بسمة وهبة، عن استيائها من تصريحات رجل الأعمال حسين صبور لـ"اليوم السابع"، ومطالباته بعودة الناس للعمل، وقوله: "رجَّعوا الناس للشغل فورا.. لما شوية يموتوا أحسن ما البلد تفلس.. ولو المستشفيات مش هتستوعب.. ما نتعالجش، ومش هتبرع.. فلوسى لموظفينى.. أنا مش مسئول عن دخل الشعب".

وقالت بسمة وهبة خلال فيديو عبر صفحتها على "يوتيوب"، "أنت رفعتلى ضغطى وأنا مش وافقة على تصريحاتك .. مفيش مسئول أو رئيس أو أى حد ممكن يوافق على كلامك.. أنا حزينة واخده على خاطر المصريين منك".

وواصلت: "الدولة من أول موضوع كورونا وبتتحرك ..وبتنفق المبالغ وتسير الطائرات اللى رايحة واللى جاية.. وفنادق فاتحة وبدل أطباء للجيش الأبيض.. الدولة مش عاوزة مواطن واحد حياته تروح.. وأنت مش فارق معاك المواطن المصرى إنه يموت، وكل تفكيرك فتح المصانع والشركات.. لا محدش يرضى كدا على أولاد بلده.. تصريحاتك دى مش قادرة أبلعها.. يعنى إيه مش مهم 50 ألف مصري".


مشاركة

اضف تعليقاً واقرأ تعليقات القراء

التعليقات 6

عدد الردود 0

بواسطة:

مواطن

هذا ليس وقت المزايدات

الرجل قال رأيه و هو كرجل اعمال يفكر بطريقته. هو يرى ان البلد لو افلست فان الغوغاء سيجتاحوا البلد و تبدأ السرقات و النهب. كما كنا على وشك الانزلاق ايام الثورة. هذا رأيه و قد لا اوافقه عليه و لكن علينا ان نتعلم كيفية احترام الرأى الاخر. فهو ليس مجنونا هو يحسب العملية بمدأ تقليل الخسارة على قدر الامكان. اما الانسة بسمة فعلى ان اذكرها انها ليست مسئولة عن دفع مرتبات لمئات العمال شهريا علما انه لا يوجد اى مؤشرات لعودة الحياة الطبيعية قريبا.

عدد الردود 0

بواسطة:

هاني عبد الحميد احمد

ردا على تصريحات المدعو صبور

انت رجل أعمال لايهمك غير حساباتك في البنوك فلوسك كام وهتخسر مش هتكسب... عايز المصانع والشركات تشتغل علشان أرباح سعادتك لكن مش مهم العبيد اللي تشتغل مش مهم البيوت اللي هتتخرب والأولاد اللي هيتيتموا... والعمال تنقل العدوى والبلد تبقى مصدر وباء علشانك وعلشان الاقطاعيين اللي شبهك..... ربنا قادر يزلك زي ما بتزل الناس وتحرق دمهم..... المفروض انك تتحاسب على كلامك وتصريحاتك دي حسبي الله ونعم الوكيل

عدد الردود 0

بواسطة:

حسن

الى بسمه وهبه

رجال الاعمال المصريين يهمهم مصلحتهم الشخصيه فقط وضمائرهم ميته وهدفهم جمع المال بأى طريقه وهدفهم هو الربح والثراء ولا يهمهم صحه الموظفين والعاملين عندهم ومعاملتهم للموظفين كأنهم عبيد عندهم واللى مش عاجبه يهدده بالطرد .. انا كموظف فقير جداا اشتغلت طبعا بالواسطه عند رجال اعمال مصرى  اسمه محمود ولديه شركه  ومقرها فى فيلا بحى الدقى استيراد معدات وميكنه سجائر فى  من فرنسا والمانيا  ويتعامل مع شركه الشركة الشرقية إيسترن كومبان فى الجيزه .. المهم هذا الرجل الاعمال لديه خمس موظفين فقط منهم فتاتين وسائق ومحاسب وعامله بوفيه ورغم ذلك كان بخيل جداا واسلوبه عنيف فى التعامل مع الموظف رغم ان يكسب بالعمله الاجنبيه لكنه بخيل جداا .. ورغم ربنا ابتلائه بالمرض لكنه لا يتعظ ابدا .. فتركت الشغل من عنده منذ سنوات .. وحتى الان رغم مرور عشر سنوات على ذلك الا اننى مازلت اتذكره واقول ( حسب الله ونعم الوكيل فيه ) .. المفروض الحكومه تحاسب رجال الاعمال المصريين الذىين يدعون للناس للنزول للشارع .

عدد الردود 0

بواسطة:

ميدو

الراجل كان صادق و عبر عما يشعر به معظم رجال الاعمال: طظ في الشعب المهم الفلوس

مش هذا ما اراد ساويرس ان تفعله الدولة ؟ هؤلاء هم بعض رجال الاعمال الوطنيين كشفوا عن وجههم القبيح. 

عدد الردود 0

بواسطة:

محمود مختار

رد على حسين صابور

حسبى اللة ونعم الوكيل  اولاا انت شخص لا تنظر الا لنفسك ومالك وخزانك هينقص منها كام يا ازبل خلق الله شخص واحد مصرى يموت مالك كلة ما يسوى انتوا اكلتوا ونهبتوا شعب مصر وعمالة طول عمركم وجاى اليوم فى حالة حرب مش عايز تقف مع البلد ومع الشعب بس الغلط مش عليك الغلط على الحكومة والريئس الى سايبن امسالك يطلعوا يقولوا كدة دة انتم لو طولتم تقتلوا الشعب فى سبيل تملوا جيبكوم مش هتتردوا اللة يرحمنا منكم ويبتليكم فيكم وفى اهلكم وفى اموالكم علشان تعرفوا الناس متضررة ازاى وتحسوا بيهم

عدد الردود 0

بواسطة:

مواطن مصرى بسيط

كل اناء ينضح بما فيه

هل لو العمال اللى تقصدهم بانهم يموتوا ومتفلسشى الشركات ورجال الاعمال من ولادك كان موقفك هيبقى ده... عموما هذا الرجل هو نموذج للكثيرين من رجال الاعمال المصريين بل جيتس تبرع ب100مليون دولار لمتضضرى كرونا ورجل اعمال امريكى اخر تبرع ب250مليون دولار وغيرهم كثيرون من اوربا وامريكا ببساطة لانه كون ثروته من تعاملاته مع المجتمع الذى تبرع له ..بل رجل مصرى بسيط هو سامح عياد تبرع لاهل المدينة التى يعيش فيها فى مقاطعة لامبارديا التى اصبحت بؤرة للمرض فى ايطاليا بالخضار والفاكهة مجانا من محله الخاص ..وقال رحبتم بى منذ15عاما وانا الان اقول لكم شكرا ..هذه مواقف الرجال الشرفاء ..يجب محاكمة هذا الرجل على الاستهانة بارواح العمال لان ماحدث منه اهانة للشعب المصرى كله ..وكل اناء ينضح بما فيه

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة