خالد صلاح

بعد تصريحات حسين صبور بنزول المواطنين للعمل.. عمرو أديب: انتوا جايبين الثقة دى منين؟

الأحد، 05 أبريل 2020 12:06 ص
بعد تصريحات حسين صبور بنزول المواطنين للعمل.. عمرو أديب: انتوا جايبين الثقة دى منين؟ عمرو أديب
ماجد تمراز

مشاركة

اضف تعليقاً واقرأ تعليقات القراء

أكد الإعلامى عمرو أديب، أن هذه الفترة لا يكن لأحد أن يتنبأ بموعد انضباط الأمور فيما يتعلق بفيروس كورونا المستجد في العالم، وقال: "انهاردة الرئيس الأمريكي ترامب توقع أن الدنيا هتتظبط في العالم وأن فيروس كورونا هيهدى علينا شوية في أغسطس، وقال الكلام ده بعد ما في كلام انتشر عن وجود علاج جديد لفيروس كورونا بيقضى على المرض ده فى 48 ساعة بس، لكن أنا بأكد لكوا أن الفترة دى لا يمكن لحد أنه يتنبأ باللى هيحصل الفترة الجاية".

وأضاف عمرو أديب خلال برنامج "الحكاية" الذي يذاع على قناة mbc مصر: "ترامب جه اليوم اللي بيحقد علينا، جه اليوم اللي الأغنياء أوي بيحقدوا على الفقراء اللي زي حالتنا، الراجل مستغرب أن في دول مش متأثرة أوى بالمرض، وأن أعداد المصابين قليلين أوى فيها، لكن الحقيقة أن مصر زيها زى أى دولة بيصاب فيها ناس وبيموت فيها ناس والإحصائيات بتزيد عندنا برضه زيها زى دول كتير في العالم".

واستكمل عمرو أديب حديثه: "فى ناس بتطلب أن الناس تنزل شغلها عادى بشكل طبيعى، أنا عاوز أسألكوا أنتو جايبين الثقة دى منين، يمكن معاكو دوا ضد كورونا واحنا منعرفش، إيه السر يعنى، يا جماعة أرجوكو لازم كلنا نفكر فبعض مش فمصلحتنا إحنا بس، والله يكون فى عون اللى بياخد القرار لأن القرارات فى الوقت ده فعلا صعبة وتقيلة، أمريكا دلوقتى الناس قعدت فى البيت ومش لاقيين ياكلوا".

وكان رجل الأعمال حسين صبور أجرى حوارًا صادمًا وملئ بالمفاجآت، لـ"اليوم السابع" تناول وجهة نظر بعض رجال الأعمال بضرورة عودة العمل، حيث قال:"رجَّعوا الشغل فوراً، ناس هتموت لكن مش هنفلس".
 

 


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة