خالد صلاح

عمرو أديب معلقا على انخفاض أعداد الإصابات بكورونا فى مصر: ربنا يكملها على خير

الإثنين، 06 يوليه 2020 10:26 م
عمرو أديب معلقا على انخفاض أعداد الإصابات بكورونا فى مصر: ربنا يكملها على خير عمرو أديب
ماجد تمراز

مشاركة

اضف تعليقاً واقرأ تعليقات القراء

علق الإعلامي عمر أديب، على انخفاض نسب الإصابات بفيروس كورونا خلال الأيام القليلة الماضية وقال: "الأرقام بتنزل وفي سيناريوهات بتقول إن الفيروس بقي أكثر انتشارا بس أقل فتكا، وفي أخبار تانية بتقول إن الفيروس بقى ضعيف وغير قادر على الانتشار، لكن في واقع الأمر أن أعداد الإصابات في مصر بتقل الحمد لله، وأتمنى أنها تستمر على كده، ربنا يكملها على خير".

وأضاف الإعلامي عمرو أديب، خلال برنامج الحكاية الذي يذاع على قناة "mbc مصر": "الأرقام اللي بتقل دي مش معاناها إننا نرجع تاني نسلم ونبوس ونقلع الكمامة، أنا بقولكو أهو، أحنا ماشيين كويس، زمان لما كنت تقول لواحد متسلمش وتبوس كان بيقول إيه الهبل ده مستحيل، دلوقتي الناس تخاف تقرب أساسا، بقى في وعي أكتر بكتير، أتمنى أننا نستمر على كدة ونلتزم بالإجراءات".

وقال: "الأسبوعين تلاتة اللي بعد العيد ورمضان هما دول الاختبار الحقيقي اللي مر بيه النظام الصحي في مصر والحمد لله قدرنا نجتازه بنجاح، والمتفق عليه حتى الآن هو ضرورة غسيل اليدين وارتداء الكمامة".

وعرض عمرو أديب تجربة عن قدرة الفيروس على الانتشار من خلال الحديث بصوت مرتفع أو الكحة أو العطس، أو الحديث بصوت منخفض، كما عرض قدرات الماسكات المختلفة على منع انتشار الفيروس، حتى ولو بأقل الإمكانيات.


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة