يرى أحمد عيد عبد الملك نجم الزمالك السابق، أن شخصية اللاعب أهم بكثير من مهارته، وكتب عيد عبد الملك عبر حسابه على تويتر: أي لعيب يلعب في نادي كبير ويمشي وبعدين يقعد يشتكي ويقولك أنا كنت أستحق أقعد والكلام ده يبقي العيب فيه، أنه معملش لنفسه شخصية جوة الفرقة ودي أهم من الموهبة نفسها وكمان لازم يبص على أرقامه وهو عمل أيه في الفترة اللي قعدها وخصوصاً أما يبقى في 6 سنين لعب في 6 أندية وهو 26 أو 27 سنة.
احمد عيد
وفى وقت سابق، طالب أحمد عيد عبد الملك، لاعب الزمالك السابق، الجماهير بعدم وضع مصطفى محمد مهاجم القلعة البيضاء تحت الضغوط يمكنها أن تؤثر على مستواه مع الفريق، وكتب عيد عبد الملك عبر حسابه على تويتر، "مصر كلها كانت بتساند مصطفي محمد إنه يحترف ومستقبله وحاجة كويسة للمنتخب دلوقتي هيطلبو مننا إننا ندوس عليه علشان ميلعبش وكلام كبير علي المبادئ وفي نفس الوقت مش عاوزينه يلعب و يشارك !! طيب والمنتخب يا جدع؟".
وأضاف عيد، "أنا متأكد إن مصطفي محمد لو رجع يلعب هيبقي أحسن من الأول بكتير علشان هيبقي عاوز يطلع يحترف آخر الموسم وأكيد باتشيكو رأيه الأول والأخير فى مشاركته من عدمه بس كل اللي مطلوب من الناس متقعدش تتصيد له أخطاء وتسانده لو رجع يشارك وهو لازم يركز و يقفل كل ده و مش بالكلام بالفعل".
وقرر مسئولو نادى الزمالك، برئاسة المستشار عماد عبد العزيز رئيس اللجنة المكلفة بإدارة النادى، فتح تحقيق عاجل للتوصل لحقيقة التصريحات التى أدلى بها رولاند رومير، رئيس نادي سانت إتيان الفرنسي، وأكد خلالها أن هناك بعض الأشخاص من داخل القلعة البيضاء طلبوا الحصول على عمولة للموافقة على بيع مصطفى محمد مهاجم الفريق الكروي الأول للنادي الفرنسي، وهدد رئيس النادى الفرنسي بالكشف عن هوية هذا الشخص حال عدم إتمام الصفقة قائلاً، "سأذكر أسماء هؤلاء الأشخاص فى حال فشل الصفقة لأنهم طلبوا عمولة، ولن أتحدث فى ذلك الملف فى الوقت الجاري طالما المفاوضات جارية".
تم أضافة تعليقك سوف يظهر بعد المراجعة