بيت صغير من قديم الأزل موجود فى منطقة مصر القديمة عايش في الأقارب والحبايب أسره واحده تجمعهم تجارة الريش هو البيت التجارى النسائى اللى موجود في مصر سموه وكالة الريش لأن كل الستات اللي فيه بيشتروا الريش ويغسلوه ويصبغوه ويعيده تصنيعه من جديد.
وتقول أم محمد إحدى العاملات في الريش لـ"اليوم السابع"، تعلمت هذه المهنة على كبر واشتغلت علشان أصرف منها وأقدر أجهز بنتى العروسة، وابنتى الكبرى بتجبلى الريش في البيت وبشتغل فيه وانا قاعدة لأنى مش بقدر أتحرك.
وأضافت: "الريش دا بنجيبه من المزارع الرومى و بنلفه شمال ويمين ونقسمه وبنصبغه شغلانة مش سهلة وكل حاجة فيها تعب، وبقول احسن من القعدة والدنيا ماشية وراضيين باللى بيجيبه ربنا".
واستطردت حديثها قائلة: "جوزى كان سريح في السوق ولما توفى تزوجت زوجى الحالي واتعلمت منه الشغلانة، وقدرت انى اجوز بنت و التانية بجهزها".
في سياق متصل توضح نوال مراحل تصنيع الريش قائلة :" نبدأ شرائه من مزارع الرومى و بعدين بنغسل الريش كويس جدا و نصبغه و نشتغل فيه، وهو مصدر دخلى الرئيسى وصرفت على تعليم أولادى من عائد الريش ".
وأضافت حديثها قائلة: "كلنا أقارب وجيران بنشتغل في نفس المهنة وهى الريش وفى نفس البيت ولما بنخلص شغل بنتجمع ونروق المكان و نعمل أكل ونتغدا كلنا مع بعض".
بينما تقول أم سارة إحدى العاملات في الريش لـ"اليوم السابع" :" معايا خمس أبناء علمت عيالى الشغلانة علشان اللى نفسها في حاجة تجبها، والدستة بخمسة جنيه وشغالة بالإنتاج، و ورثنا الشغلانة أبًا عن جد".
تم أضافة تعليقك سوف يظهر بعد المراجعة