عمر كمال:" حظى جه فى المهرجانات وذوق الناس اتغير وشغلتى أسعدهم "

قال مطرب المهرجانات عمر كمال، في تصريحات تلفزيونية لـ " اليوم السابع"،  " إنه أمتنع عن الصلاة في الجامع بسبب كلام الناس و نظراتهم له وبيضيقونى، يعنى مثلا واحد هيدخل عيادة دكتور وهو عنده مرض الجدرى كل الناس هتعقد تبص عليه هيروح العيادة تانى، أنا باقول أنه مش هيروح المكان مرة أخرى بسبب نظرات الناس لذلك بقيت بصلى في بيتى الناس بتبص ليا إنى مش مسلم، ونظرات استحقار عشان بغنى مهرجان، عشان كدة بطلت وبقيت أصلى في البيت".

وبسؤاله هل يزعجك تقديمك في الحفلات بمطرب المهرجانات، ليرد قائلا:" أوقات بتضايق عشان الناس نظرتها للمهرجانات نظرة وحشة وأن دول عيال من الشارع وملهمش لازمة وبعد حفل نقل المومياوات نزل على فيس بوك هو فين بيكا وحسن وعمر مصر مش الزمالك و جاردن سيتى مصرامبابة و الوراق أنا من حقى أحلم بعبرعن لون في مصر كل واحد وله مكانه ومن 8 سنين كنت عسكرى بحميك في التحرير، وأنا عمر بتاع المهرجانات هو عمر اللى بيغنى للاختيار وهو عمر اللى بيقف في الشارع يحميك".

وعن سبب شهرته بعد غناءه المهرجانات، رد قائلا:" هو رزقى أعمل إيه كنت بغنى للسمن البلدى 15 سنة يعنى كنت بغنى مظبوط ومجاش حظى غير في المهرجانات هو ذوق الناس اتغير وأنا بغنى للناس وشغلتى أسعد الناس".