بث "تليفزيون اليوم السابع"، تغطية خاصة من إعداد إسراء عبد القادر، وتقديم آلاء شتا والتي استعرض خلالها الكواليس والأسرار التي كشفتها الفنانة منى زكى خلال استضافتها ببرنامج صاحبة السعادة مع الفنانة إسعاد يونس.
وتحدثت منى زكى عن قصة حبها وزواجها من أحمد حلمى قائلة: كنت في مرة بمكتب المنتج محمد فوزى، وكنا هنعمل مسرحية بطولة عامر منيب، وقالى ان في دور عنده بيفكر يجيب فيه أحمد حلمى وكان وقتها بيعمل برنامج لعب عيال وأنا كنت بتابع البرنامج ده بس مكنتش عارفة وشه لأنه بيظهر بضهره".
وأضافت منى زكى، "قلت للمنتج محمد فوزى يا ريت ده حد لذيذ أوى وأنا بينى وبين نفسى عاوزة أشوف وشه، ولما جه المكتب سلم بطريقة غريبة كده وبعدين جاله تليفون وأنا ومحمد فوزى دخلنا البلكونة بنتكلم وقلتله لا ده طلع رخم أوى ومش لذيذ زى البرنامج، وقلتله جربه أنا مش عارفة، ووقتها كنت بقول عليه انه رخم اوى على الحقيقة".
وتابعت منى زكى، "بدأنا بروفات وبدأت أشوفه لذيذ، وهو تقريبا حس انى هامشى من المسرحية وكنت فعلا وقتها هاعتذر، وقال ناخد أرقام بعض، وبقينا بنتكلم في التليفون وبقينا أصحاب جدا وعرفته كمان على أصحابى المقربين، هو حاول كتير يلفت نظرى في أكتر من موقف ولكن أنا ولا أي حاجة بتتهز جوايا، يمكن لأن حب والدى الرهيب واهتمامه بيا والعطاء اللى عمله ليا خلانى مش أي حركة شاب يعملها أنه يأثر فيا لأنى واخدة حب كبير أوى من والدى".
وأضافت منى زكى: "في مرة سألنى عيد ميلادى امتى وسألته ليه فقالى عادى فقلتله فقالى ايه ده وأنا كمان نفس يوم 18 نوفمبر، وأنا بينى وبين نفسى ايه الجوا لقديم ده وقلت يا سم مكنتش مصدقاه، بس طلع صادق فعلا وطلع نفس يوم ميلادى، وقالى بحبك وسيبته وروحت مع أصحابى، ولما سافرت فضل الموضوع في بالى".
تم أضافة تعليقك سوف يظهر بعد المراجعة