كشف الفنان محمود الليثي، الخلط الذي حدث بسبب تشابه اسمه مع المطرب الشعبي محمود الليثي، فقال: "مغيرتش اسمي عشان أخد نجوميته كلها، حبيب الموضوع أوي عشان بيجيلي أفرح كتير".
وأضاف خلال لقاءه مع النجم أمير كرارة ببرنامج "سهرانين" الذي يذاع على قناة "on": "في مرة من المرات اتصل بيا حد وعرض عليا إعلان بفلوس، وخلاص واتفقنا عالفلوس وكل حاجة، وبعتولي الاستوري بورد، والبراند مكنش شبهي أوي، لأن الشخصية في الإعلان المفروض أنها لواحد جسمه مليان شوية".
وقال: "كلمت مسئول الإعلان وسألته أنتو قصدكوا محمود الليثي الممثل ولا المغني، قالي لا المغني، كنت عاوز أقوله لا في لبس حصل، لو ينفع أخد الفلوس وهو يعمل الإعلان يبقى تمام أوي".
تم أضافة تعليقك سوف يظهر بعد المراجعة