قدم تليفزيون "اليوم السابع" تقريرا عن "ريم أحمد" رسامة تحدت إعاقة الصم بالرسم، فهى تبلغ من العمر 24 عاما، خريجة كلية الآداب.
"نفسى أكون فنانة عالمية وأشرف بلدى في كل مكان" هكذا بدأت ريم حديثها لـ"اليوم السابع" فهى اختصرت أمنيتها وأحلامها بهذه الكلمات، وريم فتاة من ذوى الاحتياجات الخاصة، تحاول بكل طاقتها أن تعبر عن نفسها من خلال الرسم.
وقالت ريم: "بدأت الرسم وأنا عندى أربع سنين، مكنش حد بيفهمنى إلا بالرسم، محدش علمنى أنا علمت نفسى بنفسى، كنت بجيب ورقة وقلم وأبدأ أشغبط أى حاجة، أنا كنت بحب أوى الألوان كانت بتلفت نظرى جدا، ومكنتش بعرف اندمج مع الناس، كان كل حياتى الرسم وبس".
عبير إسلام والدة "ريم احمد" تعمل في إدارة الجمعيات الخيرية، وقالت: "اكتشفنا أن ريم مش بتسمع لما كان عندها أسبوع، وركبنا ليها قوقعة من وهى عندها 6 شهور، كانت ريم بتعبر عن أى حاجة بالرسم عايزة تاكل ترسم لى اكل عايزة تشرب ترسم لى كوباية مياه، كانت ماشية على طول بورقة وقلم فى إيديها".
وأضافت عبير: " أن ريم كان عندها كمان مشاكل في الحركة مش بس فى السمع، الأطباء أجمعوا أن ريم مش هتمشى ولا هتسمع، لكن بفضل الله علينا ريم اتكلمت ومشيت وكملت دراستها ودلوقتى بتعمل دراسات عليا".
تم أضافة تعليقك سوف يظهر بعد المراجعة