أكرم القصاص

ست بـ100 راجل.. أم سلطان عملت عربية حمص شام عشان تساعد جوزها.. فيديو

الأربعاء، 20 أبريل 2022 06:00 ص
ست بـ100 راجل.. أم سلطان عملت عربية حمص شام عشان تساعد جوزها.. فيديو أم سلطان تروي تفاصيل حكايتها مع الشغل
كتب محمد قاسم

مشاركة

اضف تعليقاً واقرأ تعليقات القراء

الشغل مش عيب وكان لازم اشتغل عشان اربي ولادى"، بتلك الكلمات بدأت أم سلطان تروي تفاصيل حكايتها مع الشغل علي عربية مشروبات ساخنة، وحمص الشام.

وقالت لـ "اليوم السابع"، أنا مفكرتش في نوع الشغل صعب علي ولا لأ كان مهم عندى أقدر أصرف علي ولادى، وأول ما نزلت الشغل علي العربية اتعلمت كل حاجة  وزوجي   شجعني وساعدني إنى أقف وأشتغل وسط الرجالة وأنا دايما بقول الشغل مش عيب لكن العيب إن ولادى يحتاجوا وأمد إيدى لأي حد عشان أوفر لهم متطلباتهم خاصة أن والدهم مريض  منذ فترة.

واضافت أم سلطان  "أنا كان لازم أقف مع زوجي في محنة مرضه وانزل اشتغل واعافر ولما فكرت أشتغل كنت بحاول أشوف شغل يناسب ظروفي وكان لازم أشتغل في مهنة وقتها مش طويل عشان ولادي وفي نفس الوقت يكون العائد منها يكفيني أنا وولادى وفي شغل العربية  هنا لقيت كل ظروفها مناسبة وقررت دون تردد أن أكون ست ب100 راجل وبقف أبيع حمص الشام وشاي وقهوة وكل المشروبات الساخنة وابني الصغير بيساعدني في بعض الأوقات ونفسي يكمل تعليمه ويتخرج من الجامعة .

 

وأضافت ام سلطان  "الشغل مفيش فيه فرق بين راجل وست كلنا لازم نشتغل ونكمل حياتنا ونصرف علي ولادنا  عشان الشغل مش عيب".

 





مشاركة

اضف تعليقاً واقرأ تعليقات القراء



لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة