النجمة المعتزلة حنان ترك أصبحت حديث الكثيرين على مواقع التواصل الساعات الماضية بعدما خرجت على جمهورها فى أول بث مباشر لها عبر صفحتها على "فيس بوك" وضحت خلاله عددا من الأمور.
بدأت حديثها بالكلام عن مرورها بأزمة صحية "أعانى من دور برد منذ أسبوع، واستحلمونى.. وعاوزة أشكركم وأشكر أسرتى اللى وقفت جنبى وقت مرضى وكل أصدقائى اللى بيسألوا عليا ودكتور أشرف زكى كان بيكلمنى وبيطمن عليا، وبشكر الجمهور وانتوا وحشتونى جدا".
وتناولت انتشار صفحات مزيفة انتحلت اسمها وكتبت أشياء غير حقيقة عنها فى الدين والسياسة قائلة: "أولا سياسيا أنا جاهلة جدا ومعنديش وعى سياسى أما بالنسبة للدين قلتها زمان وهاقولها تانى أنا درست علوم شرعية على سبيل النجاة لا الدعاة".
"أى حاجة نزلت على لسانى ويقولوا حنان قالت فتوى وإن ربنا غضبان على فلان، أنا مليش علاقة خالص، ومقدرش أفتى فى دين ربنا" وأعربت عن حزنها بسبب تصديق أصدقاء لها منشورات منسوبة لها: "صعبت عليا نفسى أوى إن ناس صحابى زعلوا منى عشان منشورات على مواقع التواصل أنا مليش علاقة بيها وعمرى ما قلتها، وقلت معقولة نسيونى للدرجة دى".
تم أضافة تعليقك سوف يظهر بعد المراجعة