تطرقت «السوبرانو المصرية العالمية فاطمة سعيد» لدعم والدها السياسي البارز أحمد سعيد لمسيرتها الفنية، قائلة: والدي كان مؤمن بقدراتي، كان عاوزني أدرس حاجة بحبها ومكنش فارق معاه تبقا إيه؟.. وكان يتمني النجاح في أى حاجة بحبها أنا وأخوتي".
وأضافت «فاطمة سعيد» في لقاء حصرى ببرنامج «السفيرة عزيزة» مع الإعلامية جاسمين طه، على قناة dmc: "أمي كانت خايفة لما قلتلها عاوزة أسافر وأدرس أوبرا .. ده مكنش سهل وأبويا كان مرعوب، وكان دايما يقول: أنا متحدي العالم كله باللى أنت بتعمليه".
وواصلت: أول ما سافرت كنت متحمسة لأنى كنت عايشة في بيت عيلة قبل السفر، وكنت مبسوطة من الحرية، لكن بعد كام شهر شعرت بالوحدة، ودي كانت صعبة حتى لو كان معايا أصدقاء، في شغلي بحس بالوحدة على طول بتشغل لوحدى وبقف على المسرح لوحدي وبحضر شغل لوحدي، لكن لما اتجوزت فرق معايا جدا في حياتي".
وكشفت عن اتقانها 5 لغات عالمية، مضيفة: "بحب أعبر عن نفسى جدا وكان عندي مشكلة في الإيطالي، والايطاليين بيبحوا يعبروا عن نفسهم، وده حط عليا ضغط حلو، إن أتعلم إيطالي في دار المسنين في إيطاليا واتعلمت منهم واكتشفت إنى ممكن أغلط ومتفرقش معايا".
وأكملت: "قعدت في دار مسنين علشان أتحرر وأهلى ميصرفوش عليا، فدورت على شقق في ميلانو واتعرض عليا دار مسنين "كازا فيردى" وهو مؤلف مشهور فى إيطاليا عمله قبل ما يموت ليكون دار مسنين للموسيقيين وكمان اتدفن فيه".
تم أضافة تعليقك سوف يظهر بعد المراجعة