مصر مش عزبة
مصر مش تكية
مصر مش عاجزة
مصر مش خرسا
مصر مش هتكون رهينة تحت إيد عصابة
مصر مش مجرد انتخابات
مصر مش فرصة ينتهزها الانتهازيون الشبعانون فجأة بعد جوع طويل
مصر مش لون واحد ولا تيار واحد ولا فصيل واحد
مصر مش منظمة سرية تحت الأرض
مصر مش جثة
مصر مش حاجة يمكن سرقتها بالحشد والتعبئة والشعارات المحفوظة دون وعى أو تفكير
مصر مش مجرد مساحة أرض
مصر مش هتهدد بالعنف
مصر مش هتتهدد بالتطرف
مصر مش هتتهدد بالشعارات الكاذبة على الله ورسوله
مصر مش هتتقسم بين الميادين والعقول
مصر مش ممكن خطفها بدستور لا يمثل الجميع
مصر مش هتقبل بدستور صاغته جمعية تأسيسية بالتكويش
مصر مش هتقبل بدستور مشكوك فيه
مصر مش هتقبل بميت جمعية تأسيسية لو كانت لا تمثل جميع المصريين
مصر لن تقبل بدستور الفئة الواحدة أو التيار الواحد
مصر مش هتسكت على دستور ما يحميش الضعيف أو المقهور أو المحتاج أو الهامشى أو المختلف
مصر مش هتقبل بالمغالبة
مصر مش هتسكت كتير على المهرجين
مصر مش هتسكت كتير على اللصوص الجدد
مصر مش هتسكت كتير على الكدابين المنافقين
مصر مش هتسكت على إقصاء حد من ولادها
مصر مش هتقبل بمجرد تغيير الواجهة أو اليافطة
مصر مش هتقبل بمجرد تغيير اسم الحزب الحاكم
مصر مش هتقبل يحكمها نقس النظام حتى لو تغيرت الوجوه
مصر مش هتقبل تتحسر على الثورة
مصر مش هتقبل تبقى الثورة مجرد قميص عثمان للانتهازيين وبهلوانات السياسة
مصر مش هتفضل على طول مريضة
مصر مش هتسكت كتير على تدخل العلوج فى مصيرها
مصر مش هتسكت كتير على اللى سمحوا للحفاة العراة المتطاوبين فى البنيان بأن يختاروا بدلاً عنها
مصر مش هتسمح يندبح الأمل اللى عشنا عشانه
مصر مش هتسمح ولادها يتمسخوا قرود أو كلاب أو ضباع فى غابة
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة