والله العظيم تلاتة ما حد عارف حاجة

إنبى يروح يلعب فى مالى.. ولا.. لأ؟!.. سـؤال لوزارة الخارجية المصرية ومقرها كورنيش النيل بالقاهرة.
الإجابة بخطاب رقيق.. بس أوعى تقولوا لأى حد.. البلد اللى اسمها مالى دى فيها انقلاب عسكرى.. وفيه شوية مخاطر.. بس إحنا مالناش دعوة!
إنما لو بتسألوا الخارجية.. نقول لكم صعب!
حضرات الخارجية.. لو البلد مالى دى فيها انقلاب يمنع وجود المصريين لعيبة كورة بقى.. أو بياعين بطاطا، ليه لم يصدر تحذير رسمى للرعايا المصريين يحظر دخول مالى على عموم المصريين؟!
مع العلم أن الحكام والمراقب من بلاد مختلفة وسيذهبون إلى الشقيقة السمراء مالى!
<الجمعية العمومية="" لاتحاد="" الكرة="" تحضر="" لاجتماع="" غير="" عادى،="" فتكون="" الإجابة:="" إيه="" لزمة="" الجمعية..="" خليكم="" إخوات="">
تسأل د. البنان فيكون الرد: إحنا بنخاف من التدخل الحكومى.. علشان الفيفا بتزعل من التدخل الحكومى فى الكورة!
د. البنان يجب أن تحدد موقفك.. فيه جمعية عمومية.. ولا مافيش؟!
قولها وخلص ضميرك أمام الله والناس!
بس على ذكر الجمعية العمومية يجب أن نوضح أن بها من يعملون لصالح الكرة وهم معروفون بالاسم وأشخاص أفاضل، إنما أيضاً بها من يعمل لحساب آخرين ويريد الخدمة فى بلاط حسن حمدى وعباس.