على زهرة نادية** نقشت كلمة
أخدها الندى ** نزلت معاه
قلت الندى** حقق مناه
وحبك اللى كان ** تايه لقاه
وأصبح بدايته ** وكل غايته ومنتهاه
رجعت تانى **لقيتها دبلت
قلت الندى ** اخلف ليه وعده
هييجى بكرة **او ييجى بعده
وبكرة فات ** وبعده عدى
وليه دبلتى **يا أحلى وردة
سمعت صوت **يقوللى أصله
أصل اللى كان **يرجع لأصله
أصل الندى ** كان موجة عالية
أو نهر يجرى ** فوق صخرة عالية
والموجة راحت عالشط وقفت
والنهر منه الميه نشفت
لما الندى قرأ كلمتي
والكلمة كانت
اسمك حبيبتي
على زهرة نادية نقشت كلمة
والكلمة كانت **اسمك حبيبتى
***
على ورقة خضرا
رسمت صورة
جانا الخريف **دبل ورقنا
وبنسمة هادية ** نشف عرقنا
وفاتت سنة ** وفاتت سنين
والشجرة طرحت **عود ياسمين
بصيت عليه ** لقيت كلام
تحت الكلام ** لقيت سلام
للى وصف **أحلى قمر
واللى رسم **أجمل قوام
على ورقة خضرا
رسمت صورة
والصورة كانت
صورتك حبيبتى
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة