معيار آخر تكشف عنه "أمنية الخولى" المعيدة بكلية البنات قائلة "أول مرة أشترى من عربية فول كان علشان مستعجلة وجعانة وماكانش قدامى غيرها، لكن لاحظت إن صاحبها نضيف جدًا وبيلبس كيس فى إيده وبيغير الزيت كل كام قلية عكس المعتاد، فبقيت زبونته"، يتفق معها فى معيار النظافة "محمد الوكيل" الطالب فى السنة النهائية بكلية الطب، ويقول "مهم تكون قريبة، وأنظف حتى لو ظاهريًا من غيرها، ويكون عليها إقبال معقول، ومهم يكونوا بيوفروا كل حاجة يعنى طلبات على العربية أو أكياس للبيت".
أما معايير "محمد سعيد" مهندس الكهرباء فتختلف قليلاً إذ يقول "مهم يكون سعرها مناسب، وتكون بتوجب معانا فى السلطات والمخلل، وفى الوقت، والأهم إنهم يحفظوا طلبنا من الأسماء يعنى لو بعتلهم حد يقولهم طلب فلان يكون عارف أنا عايز إيه بالظبط"، بينما يرى "ممدوح أحمد" أن أهم معايير اختيار عربة الفول هى توفيرها "أوبشنات" متعددة، مثل الزيت الحار، أو الزبدة، أو الليمون، أو البصل بالخل أو الباذنجان المخلل، وهكذا، بالإضافة إلى توفر عدد كراسى مناسب من عدمه، ويفضل أن يكون بالقرب منها مكان مناسب لركن السيارات، ومهم أيضًا أن يكون وقت الخدمة جيد بمعنى أنه لا يستغرق وقتًا طويلاً حتى يقدم الطلب".
![محمد سعيد أثناء تناوله الإفطار على عربة فول محمد سعيد أثناء تناوله الإفطار على عربة فول<br>](http://img.youm7.com/images/issuehtm/images/daily/uytriupytu6ru54/1.jpg)
محمد سعيد أثناء تناوله الإفطار على عربة فول
![الإفطار على العربة.. مزاج ولمة الإفطار على العربة.. مزاج ولمة<br>](http://img.youm7.com/images/issuehtm/images/daily/uytriupytu6ru54/2.jpg)
الإفطار على العربة.. مزاج ولمة