مايسترو عظيم دق الباب فتح الدُنيا للأحباب
صالحها عليهم بأن فى عنيهُم فَرحة طلة ع الاعتاب
طَل الفجر بَدد ليلهُم هَل البدر ومَحى هُمومهُم
وبكره الفرح يملى قلوبهُم وينسو الجرح اللى عذبهُم
يا ولاد مصر يا أغلى ما لينا إنتو البدر ونور ليالينا
غَنى يا مصر و فرَحى فينا ده هما الفرح فى نينى عنينا
يا أهل الفن والإبداع سليم فنان قلبه شراع
ساندو الحلم واقفوا معاه خلو الحلم بساتين إبداع
شاركوا الفكرة يا مصريين ده اللى بادئها مايسترو عظيم
زرع زهور ورد وبساتين هزت قلوب كل الملايين
يا ولاد مصر يالا تعالوا خلوا المصرى يرتاح باله
سليم سحاب آه يا جماله اختار مصر أُم عياله
يا ولاد مصر يا رأس المال بُكره تعَلو تهِدو جبال
وتعيشو حياتكُم عال العال ده انتو ولاد أم الأبطال
تم أضافة تعليقك سوف يظهر بعد المراجعة