عايدة سعودى: "البلد دى مش هتتقدم غير لما الشباب يشتركوا فى بنائها"

قالت عايدة سعودى المشرف العام على راديو هيتس، والتى تم إيقافها عن العمل بسبب تعليقها على حكم البراءة التى حصل عليها "مبارك"، إن ما زاد حالة الحزن لديها هى الاحتفالات التى قام بها مؤيدو "مبارك"، مضيفة: "أحسست أن هناك شيئا غير مفهوم وخطأ".

وأضافت عايدة سعودى المشرف العام على راديو هيتس خلال حوار ببرنامج "آخر النهار"، الذى يقدمه الإعلامى محود سعد ويذاع على قناة النهار، "مبارك ماكنش جوز والدتى فأنا عندى معاه تار شخصى، الموضوع أن فى زمنه السرطان انتشر، أنا أبويا كان ضابط شرطة وأخويا قاضى وأمى مذيعة راديو، فأنا عمرى محصل عليا ضرر مباشر من نظام مبارك، وفى عهده كنت خايفة اتجوز واخلف لأنى مش ضامنة ابنى يرجع من برة".

وأوضحت عايدة سعودى المشرف العام على راديو هيتس أهمية دور التعليم فى بناء العقول المحترمة قائلة: "التعليم مهم جدا وبيعمل عقول محترمة بيتكلموا بمنطق تقدر ترد عليهم بمنطق، واللى قاموا بثورة 25 يناير هم الشباب متوسطو الحال اللى أهاليهم استثمروا فى تعليمهم، وآمنوا بأفكارهم، والبلد دى مش هتتقدم غير لما الشباب هيشتركوا فى بناء البلد بجد مش اسم بس".

وتقدمت المذيعة عايدة سعودى المشرف العام على راديو هيتس بالشكر للرئيس السيسى لتدخله فى موضوع وقفها عن العمل، قائلة: أنا بحب أشكر الرئيس السيسى أنى رجعت شغلى بس فى الآخر دور رئيس الجمهورية المفروض أكبر من كدة بكتير".