غرقت ف مرة عقربة
صرخت يا مين ينجينى
جت ضفدعة مقربة
ردت أخاف تسمينى
والعقربة متدربة
ردت وجودك بيحيينى
والقرصة لو مجربة
تموتى ولا تنقذينى
طلعت صحيح معقربة
لفت دماغها ياعينى
شالتها وراها مغربة
كسفينة أو توربينى
وفجأه صرخه مكهربة
طب ليه بتقرصينى
عقول صحيح متخربة
هتموتى وتموتينى
ردت ده طبع العقربة
أموت ولا تطبعينى
عقرب - أرشيفية
مشاركة
اضف تعليقاً واقرأ تعليقات القراء
مشاركة