اقطع طريق النور
وافتح ببان الذل
مهما تعلى السور
شمس النهار حتطل
اظهر بوش خبيث
وارمى فـ كلام ملعون
فتاوى باسم الدين
تقتل وطن مأمون
فتوى بقتل فلان
فتوى بحرق فلان
وفتاوى للتكفير
وأنا نفسى أعيش فـ أمان
صوت الأفاعى ظهر
والحق بقى مدفون
من إمتى كان العسل
طعمه يا ناس مسموم
فاخلع وشوش الغش
وارحمنا من فتاويك
لمّ السموم م القش
ده الحقد مالى عنيك
دى الفتوى لو تتقال
تنصر لسان الدين
تهدى نفوس الناس
تسعد قلوب مساكين
فاسمع كلام النبى
واقرأ آيات الله
ادعى وقول يارب
حتلاقى فرحة معاه
داعش
