راح الأخ راح الصاحب راح الصديق
راح كل شىء جميل يا دنيا وتاه الطريق
راحت الروح تاهت قلوب راحت عيون
وكل اللى عايش يا دنيا فيكى قادر يخون
لا بئى ليكى طعم ولا ليكى ريحة ولا ليكى لون
راحت الطيبة تاهت مشاعر عاشت ظنون
وكل شىء فيكى يا دنيا كسره الهموم
واللى انكسر بصعوبة جدا يقدر يقوم
ظهرى اتّنى وقلبى انشق م الجراح
هرب الهنا وحتى نورك يا عينى راح
أنا مش أنا ودنيا الغمى سداح مداح
فات كام سنة ولسه جرحى مخاصمة الصباح
امتى يصالحه وشمسه تشرق تداوى الجراح
راح الأخ راح الصاحب راح الصديق
والكل ماشى فيها ليه عكس الطريق
راحت قلوب تاهت مشاعر راحت عيون
إزاى نهون وإزاى نتوب وإزاى نفوق
راح الضمير تاه الحسيس ضاع الكلام
مفضلش فيكى إلا الخسيس ويا الجبان
مبئاش ليه قلب ولا كبير والكل هان
راح الأخ راح الصاحب راح الصديق
راح كل شىء جميل يا دنيا وتاه الطريق
راحت الروح تاهت قلوب راحت عيون
وكل اللى عايش يا دنيا فيكى قادر يخون
لا بئى ليكى طعم ولا ليكى ريحة ولا ليكى لون
راحت الطيبة تاهت مشاعر عاشت ظنون
تم أضافة تعليقك سوف يظهر بعد المراجعة