يابرد طوبة ارحل بقا -*- وكفاية- لطفا بالعيال
بهدلت أيام الشقا -*- والنسوة وجّت والرجال
زانن وجايب مشنقة -*- للركبة بتهدّ الوصال
رعشة أكيدة محققة -*- تقضى على كل الآمال
*********
جاى من أوربا للعرب -*- وعليك يثور الواد معاذ
حتى السمك منك هرب -*- والريح مدربك بالبوغاز
والمينا من ظلمك شرب -*- وبيشتكيك لله ولاذ
اهرب وروح للمغترب -*- لا إحنا خشب ولا فولاذ
**********
ارحل وسيبنا للمطر -*- يروى الأراضى كلّها
سبحانه ربّى اللى فطر -*- سحاب وخير لزرعها
أنا عبد مؤمن بالقدر -*- والنفس تشكر ربّها
سبحان ربى المقتدر -*- وبإيده خيرها ورزقها
أرشيفية
لا توجد تعليقات على الخبر
تم أضافة تعليقك سوف يظهر بعد المراجعة