على مدى الشوف العين شايفة
قناة بتتحفر بقلوب جايشة ياتشق القنال يا مُش عايشة
كل الصعاب فى الأيد بايشة
خلية نحل ومش ساكتة
لورى ولوادر فى رمال نَكته
ليل ونهار مواتير دايرة
بعزيمة ثايرة ومش جايرة
عايزة نهارنا يعدينا ويخطى العالم مراسينا
ويبنوا مينا وترسينا لأجل ما يفرح جيكا ومينا
يا شهيد الثورة قوم افرح دمك بكره راح يطرح
وعلى طول ضفافها هنبنيها ونكبر فيها ونحميها
ونبهر كل اللى شافوها رمل القناة بيعدوها
مهاب مميش دانة مدفع ,وسواعد ولادنا المدفع
فى سبع تيام شعبنا يدفع ورئيسنا حالف ما هنرجع
حضارة عظيمة بتدفعنا وتاريخ أمجادنا بيرفعنا
مكانتش الثورة ليها معنى لو كنا وقفنا ورجعنا
دى حضارة عظيمة بتجمعنا وتاريخ من نسيو عليه اللعنة
وخلاصة القول فى المعنى بلدنا عظيمة برجالنا
ولسه بكره جاى كتير بكره الفرحة بينا تطير
ويدق الطبل والمزامير لثورة مصر فى التعمير
مد يا مصرى أوام أيدك دى مصر أيديها مداها
يوم تعميرها يوم عيدك أمسك فى أيديها وأرعاها
بص معاها قدام حققلها الأحلام داحنا ليها خُدام وهية لينا وسام
هنشدها لقدام ونحقق الأحلام ده طول عُمرنا عظام وتشهد الأهرام
قناة السويس الجديدة
