مخطوفة لمسرح حب
ومكنش باختيارى
كان دوره حبيب القلب
ودورى كان إجبارى
كتير مثّل عليا
وكنت أنا الضحية
وتطول المسرحية
ويزيد معاها نارى
ويزيد معاها فن
أتوه وأرجع أحن
أسرح فيه اتجن
فاهم دوره وقارى
تعبت منه كفاية
وخلصت الحكاية
أدور ع النهاية
ألقى العرض سارى
يا مسرح الضياع
تمثيل مع ابداع
العمر فيك يتباع
والوهم تبقى شارى
مخطوفة لمسرح حب
ومكنش باختيارى
كان دوره حبيب القلب
ودورى كان إجبارى
صورة أرشيفية
