بحبك مش علشان
انك أم عيالى
أو انك
م السما مكتوبالى
دا حبى ليكى
أكبر بكتير مما تتصورى
يجوز بعدد الأيام والليالى
اللى غطانا فيها الهوى
بحبك بحبك
والقلب قال كلمته
ولا يقدر يقول
غير إنك من قسمته
وقد إيه إنك
فرحته وبسمته
جاحد وناكر جميل.
اللى يقول غير كدة
من بعد طول عشرته
الحب عمره ماكان
بالحتة أو بالقطاعى
صحيح المكتوب مكتوب
حتى وإن كان
داخل القلوب
لكن حبى ليكى
حب خلود
م القلب صادر
واكبر بكتير مما تتصورى
نشأت رشدى منصور يكتب من أستراليا: زوجتى العزيزة
الخميس، 15 أكتوبر 2015 02:19 ص
رجل وزوجته
