زينة تصف أحمد عز بـ"الدجاجة" وتغرد على إنستجرام: الحمد لله ربنا نصرنا عليه

وصفت الفنانة زينة، الفنان أحمد عز، بـ"الدجاجة"، متهكمة على طلبه الدعاء من كل من يقابله، وأن طلب الدعاء لا يستقيم مع أفعاله، بحسب تعبيرها.

وقالت الفنانة زينة، صباح اليوم الجمعة، عبر حسابها الشخصى بموقع "انستجرام"، "معلش يعنى هاسأل سؤال عجيب شويه! هو الدجاجة كل شويه يقول لأى حد يكلمه ادعيلى، طب تيجى إزاى ! حد يفهمنى !، يعنى قبل كده كلم أم مريم وقالها ادعيلى يا حاجة، يعنى مثلا الست دى هاتدعى تقول إيه؟، روح يا ابنى ربنا ينصرك على ولادك، ولا ربنا ينصر الباطل على الحق، ولا ربنا يساعدك ويقويك على ظلم ولادك يا ظالم، ولا ربنا يقدرك تظلم طفلين، ولا ربنا ينتقم من ولادك وأمهم، ولا ربنا ينصر الباطل والكذب على حق الله، ولا ربنا ينتقم من طفلين ملايكه علشان ظهروك على حقيقتك يا كذاب، ولا ربنا ينصر الكذب والظلم والتشهير فى كل الدنيا !، تفتكروا انتوا يدعوا لدجاجة بإيه مثلا؟.

وتابعت "الحمد لله طبعا ربنا نصرنا عليه الحمد لله، بس كان نفسى اعرف هايدعوا يقولوا إيه".