السيسى: "أنا مش كبير على الشعب.. والمقام العالى لبلدنا فقط"

قال الرئيس عبد الفتاح السيسى، إن دور الدولة فى الانتخابات تمثل فى أمرين أساسيين، أولهما التأمين، والثانى ضمان الشفافية النزاهة للعملية الانتخابية، لافتا إلى أن التجربة المصرية بها إيجابيات كثيرة وعظيمة، وسألت وزير الداخلية مرة وزير الداخلية قلت له عملنا كام انتخابات فى الـ 4 سنوات اللى فاتوا، فأجاب "حوالى 8 أو 9 ".. فقال السيسى ضاحكا :" انتو زهقتوا ولا ايه".

وأضاف الرئيس على هامش ندوة للقوات المسلحة: "يا ترى نسب الحضور فى الانتخابات البرلمانية فى العالم كله احنا فين منها، وفيه ناس تعجبوا من خروجى لدعوة الناخبين للإدلاء بأصواتهم"، موضحا "أنا مش كبير عليكم عشان أطلع وأقول روحوا الانتخابات، مافيش مقام عالى.. المقام العالى لبلدنا فقط، والناس اللى نزلت بقولها متشكر، والناس اللى ما نزلتش بقولهم انزلوا المرة الجاية، ولو سمحتم خلوا الهدف أننا نحافظ على بلدنا".


وطالب الرئيس الإعلام بضرورة أن يبث الامل فى نفوس المصريين قائلا: "اوعو تخلوا الناس تفقد الأمل، الموظفين والمسئولين هيشتغلوا ازاى فى هذا المناخ، الوعى والإعلام لازم يعمل حاجة للبلد، وأنا بأكرر الكلام وبقولكم 17 شهر مش 17 سنة معناه أنى ناوى اقعد 17 سنة، دا كدة كويس اووى".

موضوعات متعلقة..

- السيسى: بنبذل جهد ربنا اللى يعلمه.. ولازم الحكومة والإعلام يتحملوا مسئولية


- السيسى: لا أبيع الوهم للشعب بس اوعوا تدونى ظهركم وتمشوا


- السيسى: بنهاية الشهر الجارى لن تكون هناك مشكلة فى الغاز لأى مصنع بمصر


- السيسى: "نحمى دولة ولا نحمى نظاما" وتحسن كبير فى الأمن الجنائى


- السيسى: قادرون على مواجهة كافة التحديات ويجب الحفاظ على وحدة الشعب المصرى


- السيسى: لا نمانع التعاون مع موسكو لاستجلاء الحقيقة فى حادث الطائرة المنكوبة


- السيسى يشهد ندوة تثقيفية بمسرح الجلاء للقوات المسلحة