"أوبر": القاهرة أسرع مدينة تنمو بها خدمة "التاكسى" بالشرق الأوسط وأوروبا

تحقق شركة أوبر المتخصصة فى توفير سيارات الأجرة (التاكسى) من خلال الهاتف المحمول نموا هائلا فى العاصمة المصرية.

فبعد أقل من عام على بدء خدمات الشركة بمصر أصبحت مدينة القاهرة الأسرع نمواً فى منطقة الشرق الأوسط وأوروبا وشمال أفريقيا.

وأعلنت الشركة التى تعمل فى تسع دول بمنطقة الشرق الأوسط هى البحرين ومصر ولبنان وقطر والمملكة العربية السعودية والأردن وتركيا والمغرب والإمارات العربية المتحدة، أنها سوف تستثمر 250 مليون دولار لتوسيع خدماتها فى المنطقة لتتناسب مع النمو الكبير.

ويقول عبد اللطيف واكد مدير العمليات فى مصر لشركة أوبر، إن عدد سائقى الشركة ورحلاتها فى القاهرة تضاعف ست مرات منذ مايو الماضى وهو معدل أعلى من باقى المنطقة.

وأضاف لتلفزيون رويترز "النمو بتاع أوبر اللى احنا قلنا.. أوبر من شهر مايو عدد الرحلات والسائقين كبرت ست مرات.. من شهر مايو.. فده حاجة تقريبا يعنى كنا من أعلى النمو فى العالم كله، بس هو كان فعلا أعلى نمو فى أفريقيا والشرق الأوسط وأوروبا كلها، فقدرنا أن احنا نكبر ست مرات، فى نفس الوقت شركة أوبر هتستثمر 250 مليون دولار فى المنطقة.. جزء كبير منهم هيبقى مُستثمر فى مصر، والاستثمار فى مصر أو الاستثمار فى المنطقة بتاعة الشرق الأوسط هدفها ان احنا إزاى نقدر ندخل عدد سائقين أكبر على السيستم، نقدر ان احنا نخلق فرص عمل أكثر بكثير."

وتعانى القاهرة التى يقطنها 19 مليون نسمة من زحام شديد فى حركة المرور.

وقال عبد اللطيف واكد "احنا عندنا فعلا مشكلة الزحمة صعبة جدا. فالناس كلها أول ما لقت بديل بأسعار كويسة جدا بدأت أن هى خلاص.. إيه اللى يخلينى أسوق عربيتى وأنا ممكن أوفر وحتى أركب خدمة أوبر وتبقى أسهل لى وأبقى مش معتمد على حد يوصلنى أو حاجة، فى أى وقت أفتح البرنامج وخلال خمس دقائق هيبقى عندى عربية، فالحاجات دى كلها مع بعض قدرت ان هى فعلا تحطنا فى موقف كويس جدا. ان احنا ننمو بالدرجة الكبيرة اللى احنا شفناها."

وأقامت أوبر شراكات عديدة مع هيئات محلية بينها مبادرة خريطة التحرش لتدريب السائقين بشأن مقاومة التحرش الجنسى، كما تتعاون مع مستشفى بهية بخصوص رحلات مجانية لعيادات سرطان الثدى لنشر التوعية بالمرض.

وأضاف واكد "الأتوبيس والتاكسى وكل الحاجات دى حاجة أساسية للمجتمع المصرى وأساسية للشعب المصرى. فاللى احنا بنحاول نعمله ان احنا بنحاول نعمل حاجة موازية. بنحاول ان احنا نقدم خدمة بأمان مئة فى المئة. خدمة مريحة جدا تقدر ان انت تطلب العربية عن طريق التليفون تبقى عندك فى خلال دقائق. تقدر تعرف قبل ما تركب هتكلفك قد ايه بالضبط."

وسوف يساعد الاستثمار المقبل لأوبر على توسيع خدمات الشركة فى مصر والشرق الأوسط وإطلاقها لمزيد من الخدمات.

ولمواكبة التوسع فى السوق المصرى تقول أوبر مصر إنها ستقدم أيضا خيار الدفع لرحلاتها من خلال بطاقات الخصم الى جانب بطاقات الائتمان المعمول به حاليا.