أنتى أمى عرفتها بدقة من قلبك لقلبى
يبدأ التاريخ فى حضنك ضمتك لحظة ميلادى
قبل ما أعرف فين عيونى واللى لسه مستخبى
أنتى ريحتك طمنتنى عمرى يبدأ م اليلة دى
أول الدم ف وريدى م البداية كان بدمك
أول الرزق الإلهى بين شفاهى كان فى صدرك
قبل ما انطق بالحروف تهته اللسان باسمك
أول الرجلين ما خطت حتى تاتا فى اتجاهك
مش هوفى مهما أحاول من ميلادى للممات
حق صرخة طلقة واحدة والألم دام بالساعات
عمرى ما حسيت بحزنك شايلة همى من سكات
شايلة همى الجاى كله واللى موجود واللى فات
أم وابنها - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة