حنان محمد حسن تكتب: عجبى على واحد

واحد بياخد مراته على أد عقلهــــــــــــا
واحد على أى حاجة يحرق دمهــــــــــــا
واحد بيعامل مراته وكأن مفيش زيـــها
واحد يكيد فيها عشان زهقان منهـــــا
واحد عايز يجيب لمراته من السما حتة
واحد يستخسر يخرجها فى أى حتـــــه
واحد بذكائه محبب العالم فيـــــــــه
واحد ودنى وتاعب كل اللى حواليـــــه
واحد يحنن ويــــــــطــــبـــطـــــــب
واحد يخنق ويغضــــــــــــــــــــــــب
واحد يهدد بالجواز وميعملش بيـــــــه
واحد مزواج ولا حد دارى بيــــــــــــه
واحد يخاف من الحرام لو ايــــــــــــه
واحد يجرى وراه ولو بجنيــــــــــــــه
وعــــــــــجــــــــــــبـــــــــى عليه