كان زمان فى الحارة راجل
فى الرجولة بألف راجل
والسلام والحب فيه
لما ننده بنلاقيه
في الحنان الله عليه
والشهامة برضه فيه
يااه ياخلق-ازاى اقوله واوصفه
مهما احاول –عمرى أبدا ما انصفه
همّا دول جدعان زمان
رمز وافى للأمان
مش منافق أو غتوتى وألعوبان
قرشهم كله حلال-
من عرقهم –من شقاهم
مش يبيعوا الكدب والسعر الدولار
مش يبيعوا الوهم فى سوق المرار
أو يسوقوا الأمة للموت والدمار
كان كفاحهم ضد جند المعتدين
والعدو كان اسم بارليف اللعين
هى دى مصر اللى كانت
دول ولادها الطيبين
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة