بالفيديو .. المواطن نجيب للمسئولين: “الشباب بيرفض 50 جنيه يوميه ويفضل يركب توك توك “

وجه المواطن نجيب عزيز عدة رسائل إلى المسئولين عن الشباب فى الدولة معبرا عن ما يشعر به من الحسرة والحزن على ما أصاب الشباب والدراما المصرية مؤخراً.

حيث قال فى بادئ الأمر " مش لاقين عمالة فى البلد العمالة كلها بتركب تكاتك ،العامل بيرفض يشتغل بـ50 جنية يوميه ويفضل يركب توك توك ، خلاص معدش فى تواصل للأجيال فى المهن ، يعنى خلاص 5 سنين كمان مش هنلاقى صنايعية فى البلد ".

كما تحدث أيضاً عن أخلاقيات الشباب فقال "المفروض يكون فى شباب أحسن وأفضل من كده ،الشباب فقدت احترام الكبير والسبب فى كده الممثل عادل إمام لأنه زمان قال فى المسرحية السكرتير الفنى إنتقد العلم وقال " بلد شهادات " وبعدين فى مسرحية مدرسة المشغبين قال " العلم لا يكيل بالبيتنجان وجاب الشيشة فى الفصول " المفروض أولادنا يشوفوا قدوة فى التليفزيون دلوقتى معدش فى قدوة ، زمان كنا بندخل السينما ونخرج بقصة لكن دلوقتى كله هيافه وقلة أدب " .