إلى زوجى ونور عينى
ونيلى اللى راوينى
وحافظ دنيتى ودينى
أنا المستورة بجناحك
ودفئى من دفا صدرك
أنا المكسورة بآلامك
وكل الهمّ من همّك
أنا حبك أنا سكنك أنا أمّك
بحُبّك أرسم الصورة
وترسم إنت ويّايا
وهمسة تبقى أسطورة
وضحكاية وبسماية
وكنا نعزف الغنوة
ونحكى حبنا حكاية
وفجأة كأنك اتبدلت
تقولشى هاجرت
وصارت قسوتك تروى
سنين الصمت
وادوّر ما التقيك جنبى
أنا واحترت
دموعى بحزنها سالت
خدودى بالشحوب ثارت
وحتى دنيتى حارت
وحيدة بسكتى ماشية
وأه يادنيا ليه آسية
معايا وانت لسه بعيد
حياتنا كلها تجاعيد
وصمت شديد
مفيش كلمة ولا بسمة ولا أنغام
وصارت دنيتى فجأة آلام وخصام
تعالى ياحبيب عمرى
نرجّع دنية الاحلام
نعيش بسلام
بلا أوهام
نعيش الدنيا بسعادة
ونرضى ربنا العلاّم
أرشيفية
