أحمد الغرباوى يكتب: لا يا حبيبتى.. دى مش إنتى..!

دِى أنا..؟
لا.. دِى مش
إنتى..!

دى صورة
حبيبتى..
اللى عايش معاها
دِلوقتى..
حبى المحروم منها و
منى..!

دِى السّمَا اللى
ليالى سِهرت أناجيها
وَحــدى..!

ولمّا تشرق شمس
ربى..
فى سجود كل صلاة
تِـسيل ودمع
عشقى..!

حتى.. حتى يطل
أمسى..
وبشفايفه يمسح جبين
وجدى..!
,,,,,
لا.. لا ياحبيبتى
دى مش
إنتى..!

دى صورة ملاك
فجر كل جمعة
على شباكه بيغـرد
طيرى..
صباح الخير.. يا
حبيبتى..
وفى وِدنها يدندن
شِعرى..
قبل ما النور
يِصحَى عينيها
بَـدرى..!
ضىُ يلتمسها فى
روحى..؟
وضىُ يحرسها من
ربى ..!
,,,,,,

لا.. لا ياحبيبتى
دى.. مش
إنتى..!

دا كلمة بحبك
بيتوضّى بيها
خَـدى..
كل ماتشوفك
مِرايتى..

بسّ خايف
عَ الأرض يِنزل
حُــزنى..
وروحى تخونى
وتجرى غصب
عنى..
فأعصى ربى
ويحجبك عنى
رزقى..
لأنى فى يوم
ما عِرفتش أصون
دمعى..!
اللى إنتى ..
إنتى فيه عروس
بحرى..!
,,,,,
لا.. لا ياحبيبتى
دى .. مش
إنتى..!
فى اللون الأحمر
شُربى وغُناى و
حَرفى..
يسأل القوم ما
سرى..؟
أجِــنّ حب أخطأ و
نَدهنى..؟
وهى خمرية
إمرأةُ تسرى فى
دمى..!
إسَاند طيفها على
جِذعى..
فهزت عشق
نخلى..
ومريم العذراء ما
إنتى..!
بس..
بس أنا .. أنا
اللى فى حُبك كان
صلبى..!

,,,,,,
دى أنا..؟
لا.. لا ياحبيبتى
دى.. مش
إنتى..!

ولا تقولى دى
صورتى..!
إنتِ..
إنتِ أكتر من
حبيبتى..

يبقى..
يبقى إزاى دى
إنتى..!